Maniitsumi Ilinniartitaanermut pisortartaamut tikilluaqqusineq

Maniitsumi Ilinniartitaanermut Immikkoortortaqarfik oktuubarip aallaqqaataaniit nutaamik pisortartaarpoq.

Ann Stephens København-iminngaaneerpoq, Irlandimiunilli kingoqqisuulluni. 1983-mi meeqqani pingasut ilagalugit Sisimiunut peqqissimavoq, taamanikkullu Sisimiut Kommuniani atorfeqarsimalluni. Ukiut ingerlanerini aqutsisutut misilittagaqarlualersimavoq, soorlu Namminnersornermik Oqartussat tunisassiornermut suliffeqarfiutaani, KalaallitNunaanni Kommunini asigiinngitsuni, Qallunnaallu Nunaanni Kommunit iluani atorfeqarneq, kiisalu Naalagaaffiup suliffissarsiuussisarfiani.

27. oktober 2011

Maniitsumi Ilinniartitaanermut Immikkoortortaqarfik oktuubarip aallaqqaataaniit nutaamik pisortartaarpoq.

Ann Stephens København-iminngaaneerpoq, Irlandimiunilli kingoqqisuulluni. 1983-mi meeqqani pingasut ilagalugit Sisimiunut peqqissimavoq, taamanikkullu Sisimiut Kommuniani atorfeqarsimalluni. Ukiut ingerlanerini aqutsisutut misilittagaqarlualersimavoq, soorlu Namminnersornermik Oqartussat tunisassiornermut suliffeqarfiutaani, KalaallitNunaanni Kommunini asigiinngitsuni, Qallunnaallu Nunaanni Kommunit iluani atorfeqarneq, kiisalu Naalagaaffiup suliffissarsiuussisarfiani.

Ann Stephens Maniitsumi atorfininnginnermini, Qallunat Nunaanni atorfeqarpoq, tassani ilaatigut ineqarniarnikkut atugarissannut tunngasuni suliaqarsimalluni.

Ilinniartitaanermut immikkoortortami pisortanngortoq 62-nik ukioqartoq, inunnik isumaginnittutut ilinniarsimasuuvoq, Inunnik Isumaginnittoqarfiup pisortaqarfiani atorfeqarsimasoq. Ann Stephens naatsorsuuserinermut ilisimatusarsimasuuvoq, aammali sulisoqarnermut aqutsineq, pilersaarusiorneq EDB-lerinermullu.

Tamatuma kingorna universitetimi inuiaqatigiilerinermik ilisimatusarpoq, tassani pingaarnertut sammillugu, Atlantikup avannarpasisuani nunaqarfiit arnartaanut inuussutissarsiorsinnaanermik periarfissat, kiisalu piuinnartitsinermut tunngasut.

Ann Stephens Kalaallit Nunaatnut tikeqqinnissani qilanaarisimavaa.

-Ilinniartitaanermut meeqqeriveqarnermullu immikkoortortap ataani suliaqalernissara qilanaarivara, aammali inuutissarsiuuteqarnermut kultureqarnermullu tunngasuni. Tamakkupummi imminnut atuumassuteqartut, inuiaqatigiinnilu siuarsanerup pingaaruteqartup peqataaffigisinnaanera tunissutaavoq, tassa inuit meerartaat, siunissaat takorluugaallu.