Kangerlussuup nunataata aqutsivigineqarnissaata nalilersuiffiginissaa

Marlunngornermi novembarip 29-ni pingasunngornermilu novembarip 30-ni Namminersorlutik Oqartussat Takornariaqarnermut Inuutissarsiornermullu Siunnersuisoqatigiit Naalakkersuisoqarfiat Namminersorlutillu Oqartussat Naalakkersuisoqarfii assigiinngitsut Qeqqata Kommunia peqatigalugu Kangerlussuup nunataata aqutsivigineqarnisaanik pilersaarut oqallisiginiarpaat.
24. november 2011

Marlunngornermi novembarip 29-ni pingasunngornermilu novembarip 30-ni Namminersorlutik Oqartussat Takornariaqarnermut Inuutissarsiornermullu Siunnersuisoqatigiit Naalakkersuisoqarfiat Namminersorlutillu Oqartussat Naalakkersuisoqarfii assigiinngitsut Qeqqata Kommunia peqatigalugu Kangerlussuup nunataata aqutsivigineqarnisaanik pilersaarut oqallisiginiarpaat. Illuatungeriit Kangerlussuarmi ataatsimeeqatigiissapput, nunallu aqutsivigineqarnissaata nalilersuiffiginerata saniatigut aamma oqallisigissallugu, qanoq iliuuseqarnikkut pilersaarummi pineqartut siunissami piviusunngortinniarnissaat.

Innuttaasunik ataatsimiititsinissaq

Ataatsimeeqatigiinnissamut atatillugu Kangerlussuarmi innuttaasut innuttaasunik soqutigisaqaqatigiinnillu marlunngornermi novembarip 29-ni ataatsimiititsinissamut aggersarneqarlutik. Tamatumani kommunip neriuutigivaa, innuttaasut soqutiginnittut isummaminnik saqqumiussiartorumaartut, qanorlu iliuuseqarnikkut nunatamik aqutsinissamik pilersaarutit piviusunngortinneqarsinnaanissaannut siunnersuuteqarlutik.

Ataatsimiititsineq Kangerlussuaq Hotelimi, konferencelokale nr. 1, nal. 19.00 ingerlanneqassaaq. Kaffeqarlunilu teeqassaaq kaageqassallunilu.

Paasissutissat annertunerusut

Qeqqata Kommunia attaveqarfigisinnaavat, nunatap aqutsivigineqarnissaa pillugu paasissutissanik annertunerusunik amigaateqaruit imaluunniit Kangerlussuarmi ataatsimiinnissamut tunngasutigut.



Nunatamik aqutsiviginninnissamik pilersaarut akuerineqarmalli ukiup aappaata affaa qangiuppoq. Uani aasinnaavat imaluunniit Kangerlussuarmi Kiffartuussivimmut.