Julemandip pequernera

Sapaatiummat illoqarfiup orpiata ikinnerani julemandi Sisimiunut timmilugaaginnaq tikippoq. Borgmesteri oqalugiareermat orpiullu qullii ikinneqareermata julemandi kommuunip allaffiata majuartarfiiniit portunernit ammut silaannakkut sisoorataarpoq.
30. november 2011

Sapaatiummat illoqarfiup orpiata ikinnerani julemandi Sisimiunut timmilugaaginnaq tikippoq. Borgmesteri oqalugiareermat orpiullu qullii ikinneqareermata julemandi kommuunip allaffiata majuartarfiiniit portunernit ammut silaannakkut sisoorataarpoq.

Illoqarfiup orpiata ikinnissaanut illoqarfimmi inuttaasut meerarpassuillu angajoqqaatik ilagalugit ornigussimasut julemandimut alutorsaqaat.

Julemadi tikissiisaa nipilersornermik ilinniarfimmeersut illoqarfimmilu erinarsoqatigiit juullerpaluttunik tussiaqqaarput.

Julemandi pissusissamisut nunamut toreermat ornigussimasorpassuit orpik kaavippaat illoqarfimmi erinarsoqatigiit ingiortigalugit “Nuivoq ulloriaq” atorneqarpoq. Taama pisoqareermat meeqqat kiisami mamakujunnatsinneqarput.

Borgmesteri oqalugiarnermini orpik kusanarluinnartoq ukioq manna STARK-imit tunissutigineqarsimasoq pillugu qujassuteqarpoq. Royal Arctic Line ilanngullugu orpiup assartorneqarsimaneranut aningaasartuutinik matussusiisimasoq qutsavigaa.