Qeqqata Kommuniani Lucia iluartup ullua

Decembarip 13-iani pisarneq malillugu Qeqqata Kommuniani sumiiffinni arlalinni ingerlaaqatigiin-nik luciap iluartup ullorsiortoqarpoq.
14. december 2011


Decembarip 13-iani pisarneq malillugu Qeqqata Kommuniani sumiiffinni arlalinni ingerlaaqatigiin-nik luciap iluartup ullorsiortoqarpoq.

Kangerlussuarmi luciap iluartup ullua allatorluinnaq misinnartinniarneqarpoq. Mittarfeqarfiup illorsuartaani ukiut tamaasa Danmark-imiit tikittut Kalaallit Nunaannut tussiarlutik ingerlaaqatigiinnik tikilluaqquneqartarput, tassa tikittarfiup illorsuartaanut appakaannerminni. Taamatuttaaq aamma ullumikkut pisoqarpoq, tassa Qinnguata Atuarfiani atuartut timmisartumut ilaasunik lucia iluartup ulluani ingerlaaqatigiiffigineqarmata.

Sisimiuni qaamaneq takkutillatsiaannartoq, illoqarfimmi kommunip allaffissua luciarlutik ingerlaaqatigiit naneruutaannik qaammarsarneqalerpoq. Tassa illoqarfiup atuarfiata arlaaniit, Minngortuunnguup Atuarfia, ukioq manna luciap iluartup ulluani tussiarlutik allaffiit saneqquallugit nuannaarnermik tunioqqarmatigit.