Maniitsumi_ataatsimoorneq_toqqammavigalugu_Kulturikkut_unnussiuaarneq

Qeqqata Kommuniata, Maniitsumi allaffissuani arfininngornerup unnua ulapaarfioqaaq. Tassami kulturikkut unnussiuaarfiuvoq.
26. januar 2012

Qeqqata Kommuniata, Maniitsumi allaffissuani arfininngornerup unnua ulapaarfioqaaq. Tassami kulturikkut unnussiuaarfiuvoq.

Inersimasut meeqqallu video atorlugu oqaloqatigiiffiusinnaasoq alutorilluaqaat, tassa Sisimiuni allaffissuarmut attaveqarsinnaagamik. Kikkut tamat Qeqqata Kommuniata kaagia ooqattaarpaat, amerlappullu ikinngutitaanngikkunik ilaquttaminnik videokkut attaveqaat atorlugu naapitsisut, ajoraluartumik sivisulaartumik aallartinnialuusaaraluaq.

Ineerannguaq ulikkaavissimavoq, alakkaasorpassuillu kulturimut Ataatsimuussutsimut tunngasutigut timimikkut misigisaqarluaqalutik. Ilami tattoqisaannermik.

Illoqarfimmi apummik ilusilersuinerit ingerlanneqarput, ilaatigut Atuarfik Kilaaseeqqami atuartunit. Taakku ilusilersugaat apummik ilusilersuinermi kusanarneqqusaatsitsinermi ajugaasuuvoq.

Suliffeqarfiit katillugit qulingiluat Kulturikkut unnussiuaarnermi peqataapput. Unnuup ingerlanerani illoqarfiup bussii innuttaasunit inersimasunik meeqqanillu nuannaartunik atorluarneqalaavipput, ilaatigut napparsimmavik mittarfillu alakkarsinnaallugu.

Ataatsimuussuseq Qeqqata Kommuniata naleqartitaasa tallimaasut ilagaat, taannalumi ukioq manna kulturikkut unnussiuaartitsinermi tunaartaalluni.