Sisimiuni_unnuk_kulturisiorfik_ornigarluarneqaqisoq

Arfininngornerup unnua unnuk kulturisiorfiummi Sisimiuni susoqarfiit tamarmik ornigarluarneqarsimaqisut.
Illoqarfimmi atuarfippaalussuit, pisortat suliffeqarfiutaat suliffeqarfiillu namminersortut kulturikkut unnussiuaarnermi matut tamanut ammatippaat.
24. januar 2012

Arfininngornerup unnua unnuk kulturisiorfiummi Sisimiuni susoqarfiit tamarmik ornigarluarneqarsimaqisut.

Illoqarfimmi atuarfippaalussuit, pisortat suliffeqarfiutaat suliffeqarfiillu namminersortut kulturikkut unnussiuaarnermi matut tamanut ammatippaat.
Taseralik aallavigalugu nuannaarsaqatigiinnerit ingerlanneqarput, Qeqqata Kommuniani borgmesterimit Hermann Berthelsen-imit ammerneqarlutik. Tamatuma malitsigisaanik illu erinarsorpalaarsuarmik poorneqarporlusooq, hip hop nipilersortut illumilu peqataasunit niperpalaarfiulluarluni.
Taseraliup sioraani biilit uninngaartarfianni illoqarfimmi HTX-iumi ilinniartut GU-tullu arfiniliullutik apummik ilusilersuipput, ukiuunerata sinnerani kusassaataasussamik.

Illoqarfimmi nipilersornermik ilinniarfik nipilersornermut aggersaavoq, kommunip allaffissuani kommunimi pisortaaneq kaagilliutigaluni kommunimi pingaartitat saqqumiuppai, illoqarfiullu oqaluffitoqaaniit ”Bethelip Oqaluffia” igalaanilu naneruuserluni nipilersorpalaaq tusarsaalluni, takusassaq imaannaanngitsoq kusanartorlu.

Peqatigiiffinnut pisortallu suliffeqarfiutaannut unnummik nuannisartitsinissinnut qujanaq.
Taamatuttaaq Brugsen-imut Taseralimmullu, HTX-imi ilinniartut GU-tullu apummik ilusilersuinerini aningaasaliinissinnut qujanarsuaq, taamatullu Cecilie Carla & Jørn Hansen apummik ilusilersuisitsinermi atortuutissinnik kommunimut atukkiinissinni qujanarsuaq.

Kulturikkut unnussiornerit aamma Maniitsumi Kangerlussuarmilu ingerlanneqarput. Qanittukkut assit takusinnaalissavasi, naatsumillu qanoq pisoqarsimanera quppersakkami atuarsinnaassavasi.