Innuttaasunut_annertuumik_innarluutilinnut_timigissartarfimmut_allagartassanik_Lions_Club_tunissuteqarpoq

Sisimiuni innuttaasut annertuumik innarluutillit qaammatini arlalinni pilersaarutiminni timigissarnissamut sungiusarnissamullu qilanaarsinnaanngorput. Tassami illoqarfiup timigissartarfianut allagartanik ukiup affaanut atuuttussanut Sisimiuni innarluutilinnut sullissivimmiit allagartanik qulinik qinnuteqaat, Danske Lionsklubbers Grønlandsfond-imit akuersissutigineqarsimavoq.
7. februar 2012

Sisimiuni innuttaasut annertuumik innarluutillit qaammatini arlalinni pilersaarutiminni timigissarnissamut sungiusarnissamullu qilanaarsinnaanngorput. Tassami illoqarfiup timigissartarfianut allagartanik ukiup affaanut atuuttussanut Sisimiuni innarluutilinnut sullissivimmiit allagartanik qulinik qinnuteqaat, Danske Lionsklubbers Grønlandsfond-imit akuersissutigineqarsimavoq. Lions Club-ip suliniut ”tapersersugassaqqissutut” isigisimavaa, taamaattumillu timigissarnissamut allagartat pisiniarineqarnissaannut 15.000 koruunit akilersimallugit.

Allagartanik Pisoq nakkutiginnittuussaaq, taamaaliornikkut innuttaasut innarluutillit ulluinniarni inuunerminni piffissaqartileraangamikku, sungiusarnissamut tassuuna inniminniisinaallutik.

Sisimiuni kommunimi innarluutilinnut immikkoortortaqarfimmit neriuutigineqarpoq, timigissartarfimmik ajornannginnerusumik atuisinnaanngorneq arlalitsigut iluaqutaassasoq. Sungiusarneq ilaatigut inuunermi nappaataasartunut pinaveersaartitsissaaq, innuttaasunullu timikkut peqqinnerulersitsissalluni. Ilaatigullu innuttaasut allat assigalugit innuttaasut innarluutillit timigissartarfimmi sungiusartarsinnaanerannut periarfissiissalluni, taamaalillunilu innuttaasunut innarluutilinnut isiginnittaatsimik isummanillu allannguinissamut peqataalluni.

Pisoq ulluinnarni nal 09.00 aamma 16.00 akornanni oqarasuaat 86 44 60 atorlugu saaffigineqarsinnaavoq.