Meeqqanut_inuusuttunullu_tunngatillugu_suleqatigiinneq_Qeqqata_Kommuniata_annertusarpaa

Qeqqata Kommuniani, Sisimiuni Ilaqutariinnermut Immikkoortortap aamma Ilinniartitaanermut Immikkoortortap, 2011-p ukiaanit aallartittumik meeqqat inuusuttullu immikkut tapersersorneqarnissaminnik pisariaqartitsisut pillugit tunuliaquttat ataatsimeeqatigisarpai. Ataatsimiinnerni sullissisut ilaqutaasut peqatigalugit meeqqamut imaluunniit inuusuttumut ilaqutaasunullu ikiorsiinissami tapersersuinissamilu periarfissat eqqartorneqarsinnaapput.
21. februar 2012

Qeqqata Kommuniani, Sisimiuni Ilaqutariinnermut Immikkoortortap aamma Ilinniartitaanermut Immikkoortortap, 2011-p ukiaanit aallartittumik meeqqat inuusuttullu immikkut tapersersorneqarnissaminnik pisariaqartitsisut pillugit tunuliaquttat ataatsimeeqatigisarpai. Ataatsimiinnerni sullissisut ilaqutaasut peqatigalugit meeqqamut imaluunniit inuusuttumut ilaqutaasunullu ikiorsiinissami tapersersuinissamilu periarfissat eqqartorneqarsinnaapput.

Meeqqanik inuusuttunillu immikkut tapersersorneqarnissaminnik pisariaqartitsisunik sullissinermi, amerlasuutigut sammisat akimoorlugit suleqatigiinnissaq pisariaqartarpoq. Taamaattumik kommunip quppersagaq ’Suliat akimorlugit suleqatigiinneq’ – angajoqqaat sullissisullu suleqatigiikkaanngata’ suliarinikuuvaa. Meeqqat inuusuttullu ineriartorneranni nukittorsaataasinnaalluni quppersagaq atuarfinni, meeqqerivinni, Ilaqutariinnermut immikkoortortami, Ilaqutariinnut Kiffartuussivinni Peqqinnissaqarfinnilu angajoqqaanik ataatsimeeqateqarnerni iluaqutaasumik atugassaqqissuuvoq.

Suliat akimorlugit ataatsimiittarnerit Maniitsumi aamma atuuttussanngortinneqassasoq siunertaavoq, tamannalu 2012-p upernaani aallartinneqartussatut naatsorsuutigineqarluni.

Akimoortumik suleqatigiinnerup annertusineqarnissaa, suliallu akimorlugit ataatsimiittarnissaat, Qeqqata Kommuniani Meeqqanut inuusuttunullu politikkimi pingaartitat aallaavigalugit aallartinneqarpoq

Paasissutissat allat
Suliat akimorlugit suleqatigiinnerit pillugit paasissutissanik allanik perusukkuit, perorsaanermut siunersorti Pia Lennert, oqarasuaat normu 86 74 02 atorlugu attaveqarfigisinnaavat.