Maniitsup_Katersugaasiviani_Jens_Lyberth_pillugu_saqqummersitsineq_oqalugiarnerlu

Maniitsup Katersugaasivia apriilip naaneranut immikkut ittumik Jens Lyberth pillugu saqqummersitsinissaminut tikilluaqqusiniarpoq.
Pingasunngornermi februaarip 22-ni nal. 19.00 Enos Lyberth, akornatsinni ”Jenseralammik” taasagarput pillugu oqalugiarniarpoq.
22. februar 2012

Maniitsup Katersugaasivia apriilip naaneranut immikkut ittumik Jens Lyberth pillugu saqqummersitsinissaminut tikilluaqqusiniarpoq.

Pingasunngornermi februaarip 22-ni nal. 19.00 Enos Lyberth, akornatsinni ”Jenseralammik” taasagarput pillugu oqalugiarniarpoq.

Jens A. H. Lyberth 1875-imi Maniitsumi inunngorsimavoq, ullumikkut arlalitsigut maligassiuilluarsimasutut isigineqatuulluni. Ilaatigut 1920’ikkunni Maniitsumi piniarnikkut ineriartortitsinermi siuttut ilagisimallugu. 1928-mi siullerpaalluni tukutuuarartaartuuvoq, taannalu atorlugu puiserpassuit qilalukkallu qaqortat amerlaqisut pisarisimallugit.

Jenseralak Maniitsumut ima pingaaruteqartigisimavoq, ullumikkut illoqarfimmi eqqaassutissinneqarsimalluni. Enos Lyberth soqutiginartumik oqalugiarnissamini Jenseralaap kinaanera annerusumik ilisaritinniassavaa.

Oqalugiaat kalaallisut ingerlanneqassaaq. Iserneq, kaffi, tii kaagillu akeqassanngillat.

Maniitsup Katersugaasiviata aaqqissuussai ammasarfiilu annertunerusumik atuarsinnaavatit uani katersugaasiviup quppersagaa/nittartagaa. 

Annertunerusumik paasissutissat
Maniitsup Katersugaasiviani saqqummersitsinissaq oqalugiarnissarluunniit annertunerusumik paasisaqarfigerusukkukkit katersugaasiviup pisortaata Maja Sihm Aagaard oqarasuaatikkut 81 31 00 attaviginissaanut tikilluaqqusaavutit.