Maajimi_Peqqissuugit_Sisimiuni_paasissutissiilluni_ataatsimiinneq

Ukioq manna maaji kingumut timersorfiussaaq. Qaammatip ingerlanerani inersimasunut meeqqanullu timersuutinik neqerooruteqartoqassaaq, piareersarnerillu aallartinneqareerlutik.
Maajimi Peqqissuugimi peqataarusukkuit, marlunngornermi marsip 27-ani paasissutissiilluni ataatsimiinnissamut Sisimiuni kommunimi timersornermut siunnersortip qaaqquaatit.
21. marts 2012

Ukioq manna maaji kingumut timersorfiussaaq. Qaammatip ingerlanerani inersimasunut meeqqanullu timersuutinik neqerooruteqartoqassaaq, piareersarnerillu aallartinneqareerlutik.
Maajimi Peqqissuugimi peqataarusukkuit, marlunngornermi marsip 27-ani paasissutissiilluni ataatsimiinnissamut Sisimiuni kommunimi timersornermut siunnersortip qaaqquaatit.

Sumi: Sisimiuni Innuttaasut Illuani
Qaqugu: marlunngornermi marsip 27-ani nal. 19:00. 

Sapinngisamik timersuutit arlalippassuit akeqanngitsumik neqeroorutigineqarnissaat kiisalu tamanit Nunatsinnilu sumiluunniit peqataaffigineqarsinnaanissaat ”Maajimi Peqqissuugit”-mi anguniagaavoq.

Tamanna siunertaralugu Sisimiuni timersoqatigiiffiit, atuarfiit, suliffeqarfiillu suleqatigalugit Sisimiunni timersornermut siunnersortip maajip qaammataa tamakkerlugu timersuutaasinnaasunik neqerooruteqassaaq.
Tamanna anguneqassappat kajumissutsiminnik ikiuussinnaasut amigaatigineqassapput, taamaattumillu paasissutissiilluni ataatsimiinnissamut peqataalluartoqarnissaa neriuutigaarput. 

Peqataalluarisi! 

Aaqqissuusserusuppit?
Illit ilaqarlutilluunniit aaqqissuussinissat maannangaaq ilisimareerukku, timersornermut siunnersorti uunga attavigisinnaavat: kako@qeqqata.gl.
Mailikkut paasissutissiissutigisinnaavatit: 

• Aaqqissuussinerup, aaqqissuussinerilluunniit taaguutaat. 
• Akisussaalluni attaveqaataasussaq pillugu paasissutissat 
• Qassit ikiortigissanerlugit
• Aaqqissuussineq sumi ingerlanneqassanersoq 

Paasissutissat annertunerusut 
Paasissutissiilluni ataatsimiinnissaq aamma ”Maajimi Peqqissuugit” pillugu paasissutissat annertunerusut, Sisimiuni timersornermut siunnersortimut Karl Kasper Olsen-imut oqarasuaat 86 74 01-imut imaluunniit kako@qeqqata.gl-imut attaveqarnikkut pissarsiarisinnaavatit.