Sisimiuni_Oquk_pillugu_innuttaasunik_ataatsimiisitsineq

Issittumi nunap pissusaanik ilisimatusarfik, marlunngornermi marsip 13-iani oquk pillugu Sisimiuni innuttaasunik ataatsimiisitsiniarpoq.
13. marts 2012

Issittumi nunap pissusaanik ilisimatusarfik, marlunngornermi marsip 13-iani oquk pillugu Sisimiuni innuttaasunik ataatsimiisitsiniarpoq. 
Issittumi nunap pissusaanik Ilisimatusarfimmi pisortaq, Arne Willumsen-ip tikilluaqqusereerpat, nunatsinni najugaqarfinni oquk pillugu naalakkersuisoq Jens B. Frederiksen saqqummiissaaq. 
Taassuma kingorna oquup qanoq pinngortarnera, qanoq ingalanneqarsinnaanera aammalu pinngoreersimappat qanoq peerneqarsinnaanera pillugu ilisimasallit saqqummiissapput.

Innuttaasunik ataatsimiisitsineq Sisimiuni Sanaartornermi Ilinniarfimmi nal. 19.30-miit 22.00-ip tungaanut ingerlanneqassaaq. 
Innuttaasunik ataatsimiisitsinermi pilersaarut tamaat uani atuarsinnaavat.

Oquk pillugu ARTEK-imi ataatsimiinneq
Alaskamiit, Canadamiit Kinamiillu ilisimasallit Sisimiuni ulluni makkunani, ukiumut ARTEK-imi ataatsimiinnermut peqataajartorlutik katerisimaarput. Ukioq manna ataatsimiinnermi oquk, nunani issittuni illulioriaatsit, nutaaliorneq aammalu atajuaannartumik sanaartornerit ilaatigut pillugit ilisimatuut eqqartueqatigiissapput. 
Ilisimasallit ilisimasaannik paasisaqarniarluni innuttaasunik ataatsimiisitsineq innuttaasunut kommunimullu periarfissatsialaavoq.

Annertunerusumik paasissutissat
Innuttaasunik ataatsimiisitsinissamut imaluunniit ARTEK-imi ataatsimiinneq pillugu annertunerusumik paasissutissanik pisariaqartitsiguit, taava Arne Villumsen oqarasuaatikkut (+45) 2095 7077 attavigisinnaavat.