Nunarsuarmi_ujakkaarnerit_sakkortunersaat_tallimanngorpat_aallartinneqassaaq

Tallimanngornermi marsip 23-ni Sisimiuni Nalunnguarfimmiit ukioq manna Arctic Circle Race aallartinneqassaaq.
Qulinut ujakkaarnissarsuup aallartinneqannginnerani Qeqqata Kommuniata borgmesteria Hermann Berthelsen peqataasussanik tikilluaqqusissaaq.
22. marts 2012

Tallimanngornermi marsip 23-ni Sisimiuni Nalunnguarfimmiit ukioq manna Arctic Circle Race aallartinneqassaaq.
Qulinut ujakkaarnissarsuup aallartinneqannginnerani Qeqqata Kommuniata borgmesteria Hermann Berthelsen peqataasussanik tikilluaqqusissaaq.

Ukioq manna nunanit assigiinngitsunit 140-t missaaneersut peqataasussaallutik nalunaarnikuupput. Ullunilu tulliuttussani pingasuni 160 kilometerit 100 kilometerilluunniit Sisimiut eqqaanni nunarsuarmi kusanaqisumi peqqarniissinnaasumili ingerlaartassallutik.

Ulapputtunnguit
Tamannali pitinnagu Sisimiuni aaqqissuussisut namminnerlu piumassutsiminnik ikiuuttussarpassuit ulapputtunnguupput, tassa ujakkaartussat pitsaanerpaamik misigisaqarnissaanni kiffartuunniarlugit.

MIKI ACR
Arfininngornermi sapaammilu minnernut aamma Arctic Circle Race ingerlanneqassaaq. Tamannalu Sisimiuni nalunnguarfimmi pissaaq, meeqqallu inersimasunit naannerungaatsiaraluartumi pisinnaasaminnik aamma takutitsissallutik.
Illoqarfimmi allagarsiivinni MIKI ACR pillugu paasissutissanik pissarsisinnaavutit.

Annertunerusumik paasissutissat
Arctic Circle Race pillugu annertunerusumik paasisaqarusukkuit ujakkaarnerup nammineq nittartagaani pissarsisinnaavutit.