Tusagassiutitigut_nalunaarut_Sisimiut_Umiarsualiviat_suliffeqarfiup_Aarsleff_Permagreen_allilertussanngoraa

Qeqqata Kommunia suliffeqarfillu Aarsleff/Permagreen 4.4.2012-imi Sisimiut Umiarsualiviata allilernissaanik tamakkiisumik suliarissagaa isumaqatigiissummik atsioqatigiipput. Illuatungeriit naatsorsuutigivaat, umiarsualiviup allilerneqarnissaa qangali utaqqisaasoq, qallersuusernissaa kisiat ilanngunnagu ukiup naaneranut naammassineqassasoq.
13. april 2012

Qeqqata Kommunia og konsortiet Aarsleff/Permagreen har 4. april 2012 underskrevet kontrakt om udvidelse af Sisimiut Havn i totalentreprise. Parterne forventer, at anlæggelsen af den længe ventede havn bortset fra belægning er færdig ved årets udgang

Qeqqata Kommunia suliffeqarfillu Aarsleff/Permagreen 4.4.2012-imi Sisimiut Umiarsualiviata allilernissaanik tamakkiisumik suliarissagaa isumaqatigiissummik atsioqatigiipput. Illuatungeriit naatsorsuutigivaat, umiarsualiviup allilerneqarnissaa qangali utaqqisaasoq, qallersuusernissaa kisiat ilanngunnagu ukiup naaneranut naammassineqassasoq.

Qeqqata Kommuniata borgmesteriata Hermann Berthelsen-ip Aarsleff/Permagreen-ikkunnik suleqateqarnissaq qilanaarivaa.
- Suut tamarmik pilersaarutitut ingerlapput. Umiarsualiviup allilernissaani isumatusaartumik neqeroorutit arlallit tiguavut, massakkullu aningaasatigut isumatusaarfiusumik isumaqatigiissuteqarluta. Pingaartumik sukangasuumik pilersaarusiap tupaallatsippaatigut. Decembariuliinnaraa Sisimiut Umiarsualiviata/Qeqqata Kommuniata kilisaatit, umiarsuit tunitsiviit, umiarsuit takornarissanik angallassisut uuliamillu misissuinermi atorneqartut pitsaasumik atugassaqarfiusumik neqeroorfigisinnaalissavaat. Qilanaarivaralu Sisimiut avaqqutiinnarlugit umiarsuit ingerlaartut takussaarnissaat, taakkununnga inuiaqatigiinnullu tamanna akisusaqaaq, borgmesteri taamatut oqarpoq.

Suliffeqarfimmut Aarsleff/Permagreen Sisimiut Umiarsualiviannik allilerinermi suliassaq tassaavoq, aatsaat ataatsimoorlutik taama annertutigisumik suleqatigiiffigisassaat. Tamannalu pisinnaalersimalluni ukiualuit qaangiuttut suleqatigiinnissamik isumaqatigiissuteqaramik.
- Kalaallit Nunaanni illoqarfinni qangali umiarsualiviliortoqarnikuuvoq. Nuannaarutigivarpullu Qeqqata Kommuniata tatigaluta isumaqatigiissusioqatigisinnaammatigut, taama oqarpoq Preben Kold Larsen suliffeqarfik Aarsleff/Permagreen-meersoq, siunissamilu Kalaallit Nunaanni umiarsualiviliortoqaqqinnissaa neriuutigalugu.

Aarsleff Danmark-imi Estland-imilu umiarsualiviliornernik misilittagaqarpoq, taakkulu aamma tamakkiisumik suliakkiussaasarsimallutik. Permagreen Kalaallit Nunaanni sanaartornermik sanaartukkanillu isumaginninnermik suliqartartut annersarivaat, nunalu tamakkerlugu sanaartukkatigut annertuumik misilittagaqarluni.
 

Paasissutissat annertunerusut
Umiarsualiviup allilernissaani tamakkiisumillu suliaqarnissami paasissutissat annertunerusut tulliuttunut saaffiginninnikkut piniarneqarsinnaapput: 

Hermann Berthelsen, Borgmesteri, Qeqqata Kommunia, mobil: (+299) 52 75 56
Ole Steen Christensen, Udlandsdirektør, Aarsleff, mobil: (+45) 20 26 33 25
Preben Kold Larsen, Direktør, Permagreen, mobil: (+299) 48 59 15