Tusagassiutitigut_nalunaarut_Issittumi_avatangiisitta_pissarititaanik_2020_mi_atorluaanissaq_taamaattoqarsinnaava

Kalaallit Nunaanni kommunerujussuit ilaat – Qeqqata Kommunia – Issittumi 2020-mi atorluaasinnaanikkut maligassiuerusuppoq. Taamaattumik massakkut kommuni – VILLUM FONDEN-i ikiortigalugu – ukiumi ataatsimi misis-sueqqissaarniarpoq, tamatumuuna akisussaaqataanermik, atorluaasinnaanermik maligassiusinnaanermillu Issittumi 2012-imiit 2020-mut periarfissanik misissuiffigalugu akissutissarsiniarniarlugu. Pilersaarutitigut aallarniutigalugu atorluaasinnaanikkut 150-200 mio. koruuninik aningaasaliissuteqarnissaq qanoq kinguneqarumaarnersoq misissuiffigineqassaaq, tamatumuuna Issittumi avatangiisitta pissarititaanik 2020-mi atorluaanissaq anguniarlugu.
31. maj 2012

Kalaallit Nunaanni kommunerujussuit ilaat – Qeqqata Kommunia – Issittumi 2020-mi atorluaasinnaanikkut maligassiuerusuppoq. Taamaattumik massakkut kommuni – VILLUM FONDEN-i ikiortigalugu – ukiumi ataatsimi misis-sueqqissaarniarpoq, tamatumuuna akisussaaqataanermik, atorluaasinnaanermik maligassiusinnaanermillu Issittumi 2012-imiit 2020-mut periarfissanik misissuiffigalugu akissutissarsiniarniarlugu. Pilersaarutitigut aallarniutigalugu atorluaasinnaanikkut 150-200 mio. koruuninik aningaasaliissuteqarnissaq qanoq kinguneqarumaarnersoq misissuiffigineqassaaq, tamatumuuna Issittumi avatangiisitta pissarititaanik 2020-mi atorluaanissaq anguniarlugu.

Atorluaasinnaaneq toqqammaviussaaq, siunnerfiussalluni anguniagaassallunilu, tamatumanilu eqqarsariartaasitoqarput eqqarsaatigissanngilarput, soorlu ”avatangiisinut tunngasoq”. Matumani sutigut tamatigut atorluaasinnaaneq toqqammaviussaaq:
- Avatangiisit, Nukissiutinik pilersuineq Sanaartornerlu
- Inuutissarsiuteqarneq, Nassiussanik angallassineq Aningaasaqarnerlu
- Ilinniartitaanermut Isumaginninnermullu tunngasut (ilinniartitaaneq, pisinnaanngorsaaneq, inuiaqatigiit, utoqqarnut tunngasut il.il.)

Pineqartut taakku pingasut pissusitoqqat akimoorlugit sammineqarnissaat siunertaavo q: atorluaasoqarusuppat taava tamanna tamatigoortumik pisariaqarpoq, taama Qeqqata Kommuniani isumaqarput. Inuppassuilu kommunimi arlaatigut sukkulluunniit pisinnaasallit inuillu immikkut ilisimasallit misilittagallillu, suliffeqarfiit, kommunit, aningaasaateqarfiit nunatsinniillu nunanillu allaniit ilinniagartuullu atuarfeqarfii peqatigalugit massakkut misissuinerit aallartittussanngorpaat.

Qeqqata Kommunia iliuuseqarusuttutut amerlasuunit ilisimaneqarpoq, illoqarfittaalu Sisimiut Kalaallit Nunaanni teknikkikkut ilinniarfitsigut qitiulluni: 
Sanaartornermik Ilinniarfik, Aatsitassanik Ilinniarfik kiisalu Issittumi teknologi Qitiusoq - ARTEK, aammalu Nutaaliorfik – Kalaallit Nunaanni Nutaaliorfiit Ataatsimoorfiat.

Nutaaliorluni eqqagassalerinermiit takornariaqarnikkut susassaqarnermi atorluaanermut taamatullu inuiaqatigiinni atorluaaneq
Atorluaanissamik pilersaarut Qeqqata Kommuniata, ARTEK-imik sulisunik Nutaaliorfimmillu - Kalaallit Nunaanni Nutaaliorfiit Ataatsimoorfiat - pitsaasumik suleqatigiinnerannik aallaaveqassaaq. Sammerusutat siunnersuutillu arlissuit pigineqareerput, tamakkulu pilersaarusiornermi itisilerneqarlutillu tulleriaarneqassallutik:

Pilersaarummi aallarnisarnermi ilaatigut sammineqartussatut assersuutit, misissorluagassaallutik:
- eqqagassalerineq nutaaliorfiusoq, eqqakanik immikkoortiterineq, imikoorneq, imikoorummik saliineq imeqarnerlu, illumik nukissanik atuinikiffiusumit misilittakkanik atorluaanikkut ullumikkut inigasat oqorsagaanerisigut sumiiffimmi atortussatigut periarfissaqarnermi atorluaasinnaaneq, allatigut atortussanik nunatsinneersunik sanaartornikkut atorluaasinnaaneq, seqerngup anorillu nukiinik allatigut atorluaasinnaaneq, kissap qaqqamut toqqorneratigut kissamik atorluaasinnaanerup misiligarnissaa ineriartortinnissaalu, inissiatoqqanik iluarsartuussinikkut atorluaasinnaaneq.

- takornarissat sammisassaqartinnerini nutaamik ineriartortitsinikkut atorluaaneq, kommunip susassaqarfiini pisiffigisartakkat atorluaanerunissaannik piumasaqarneq, suliffeqarfinni nukinnik atuinikkut atorluaanissamik atoqqissinnaasunillu atuinissamik piumasaqarluni ikiuunneq, aatsitassanik piiaanermi erngullu nukinganik atuinermi atorluaanissamik qulakkeerinninneq, namminersortuni pisortanilu sulisut pisinnaasanik ineriartortitsineq.

- innuttaasut utaqqiinnartutut inissisimaneriniit nikeriarnissaasigut ikiuunneq piumasaqarnerlu, peqatigiiffit namminneq kajumissutsiminnik ingerlatsisut suliffeqarfiillu tigusisinnaassusiisa ineriartortinnissaat, pisinnaanngorsakkat amerlanerit sulilersinnissaat, innarluutilinnut suliffeqarfiit, meeqqat atuarfiisa angajoqqaallu akisussaaffiisa ataatsimoorullugu ineriartortinnissaat, ilaqutariit meerartallit piaartumik sammineqartarnissaat, atuarfinni qarasaasiat pitsaanerusut kiisalu nunaqarfiit atuarfiini ungasiaanik ilinniartitsineq il.il.

Anguniakkat annertuut, siunnerfiit annertuut
Aallaavittut pilersaarusiornermi siunertaavoq, ukiuni tulliuttuni arfineq-pingasuniit qulit tungaannut 150-200 mio. koruuninik aningaasaliissuteqarnissaq, tamatumuuna Qeqqata Kommunia Issittumi atorluaanikkut maligassiuilluarsinnaasutut ineriartortinneratigut.

Kommunalbestyrelsip ilumini 1 mio. koruuninik aallavittut pilersaarusiornermut atugassanik nassaarsimavoq, ANINGAASAATEQARFIULLU VILLUM FONDE-nip massakkut taakku qaavinut ilanngutassatut 2 mio. koruunit akuersissutigalugit. 
ANINGAASAATEQARFIK VILLUM FOND siusinnerusukkut Sisimiuni ineriartortitsineq taperserlugu ARTEK peqatigalugu 2001-mi 10 mio. koruunit atorlugit illu atuinikiffiusoq sanaartortippaat, aammalu A. P. Møller-ip Aningaasaateqarfia peqatigalugu 2006-mi ingeniørinngornianut 45 mio. koruunit atorlugit inissialiortitsillutik. Kalaallit Nunaat tamakkerlugu Nunaqarfinni ilinniartitsinikkut pilersaarut nutaaq, ANINGAASAATEQARFIUP VILLUM FOND-ip 2011-mi 15 mio. koruuninik tapersigaa, Itillimi ineriartortitaavoq, tassa Sisimiut nunaqarfiisa ilaanni.

Pilersaarut Qeqqata Kommuniani ineriartortitaallunilu aallaaveqarpoq, taannalu aqutsisunit borgmesterimit Hermann Berthelsen-imit, aningaasaqarnikkut pisortamit Laust Løgstrup-imit, Nutaaliorfimmi siulittaasumit Arne Villumsen-imit kiisalu ANINGAASATEQARFIMMI VILLUM FOND-imi siunnersortimit aqunneqarluni.

Paasissutissat annertunerusut:
Borgmesteri Hermann Berthelsen, Qeqqata Kommunia, +299 52 75 56
Aningaasaqarnermut pisortaq Laust Løgstrup, Qeqqata Kommunia, tlf. +299 52 59 52
Programchef Jens-Jørgen Pedersen, VILLUM FONDEN, tlf. +45 20 28 95 53