Qeqqata Kommuniani qimminut qitsunnullu ileqqoreqqusassatut siunnersuut nutaaq

Qeqqata Kommuniani qimminut qitsunnullu ileqqoreqqusassatut siunnersuut nutaaq piffissami juunip 13-aniit juulip 15-anut 2012-imi tamanut oqaaseqarfiusinnaasutut saqqummiunneqarpoq.
13. juni 2012

Qeqqata Kommuniani qimminut qitsunnullu ileqqoreqqusassatut siunnersuut nutaaq piffissami juunip 13-aniit juulip 15-anut 2012-imi tamanut oqaaseqarfiusinnaasutut saqqummiunneqarpoq.

Siunnersuut aasinnaavat uani imaluunniit Sisimiuni Maniitsumilu Teknikkimut Avatangiisinullu Immikkoortortat isertarfianni allaffinni. Nunaqarfinni tamani kiffartuussivinni aaneqarsinnaavoq.

Siunnersuummut oqaaseqaatiginiakkat nassiunneqassapput uunga: Qeqqata Kommunia, Teknikkimut Aavatangiisinullu Immikkoortortaq, Postboks 1014, 3911 Sisimiut, imaluunniit mail-ikkut uunga: qeqqata@qeqqata.gl. 
Oqaaseqaatiginiakkatit tigoreersimassavavut kingusinnerpaamik juulip 15-ni 2012-imi.

Ajornanngippat inatsisillu iluani pisinnaappat, kommunip tusarniaanermi akissutit ileqqoreqqusassami ilanngullugit ikkunniassavai.
Illoqarfinni nunaqarfinnilu sumi qimmilisoqarsinnaaneranik malittarisassat, kommunimi pilersaarusiamut ilanngussatut ikunneqarumaarput. Taamaattumik malittarisassanut atatillugu oqaaseqaatit apeqqutissallu, innuttaasunik ataatsimiititsinissami pisinnaapput Sisimiuni, tamannalu aasap naanissaanut ingerlanneqarumaarpoq.