Tusagassiutitigut_nalunaarut_Eqqakkat_immikkoortiterneqartarnissaat_pillugu_Qeqqata Kommunia_aamma_A_S_Inissiaatileqatigiiffik_INI

Sisimiuni illoqarfimmi eqqakkanik immikkoortiterisarneq pillugu Qeqqata Kommunia aamma A/S Inissiaatileqatigiiffik INI qanimut suleqatigiipput.
10. juni 2012

Sisimiuni illoqarfimmi eqqakkanik immikkoortiterisarneq pillugu Qeqqata Kommunia aamma A/S Inissiaatileqatigiiffik INI qanimut suleqatigiipput.

Qillertuussanut igalaaminernullu containerit arfineq-pingasut kommunip INI-llu illoqarfimmi inissippaat. Tamatuma saniatigut eqqakkanut avatangiisinut mianernarsinnaasunut kommuni containerimik inissiivoq. Innuttaasut eqqakkaminnik immikkoortitersimasaminnik ajornanngitsumik igitsisinnaanissaat pillugu containerit illoqarfiup qiterpasissuinut inissinneqarput.

Sisimiuni eqqakkanik immikkoortiterisarnerup pitsanngorsarneqarnissaanik ataatsimoortumik kissaateqarneq aallaavigalugu suliniut aallartinneqarpoq.
Ilisimatusarnermit paasinarsivoq, eqqakkat mianernarsinnaasut amerlavallaat ikuallaavimmi ikuallanneqartartut. Taamaattumik eqqakkanik pitsaanerusumik immikkoortitisalernikkut siunissami pitsaanerusumik eqqakkanik ikuallaasoqartalissaaq, kommuni aningaasatigut sipaaruteqassaaq, minnerunngitsumillu avatangiiseq mianeralugu ikuallaasoqartalissalluni.
Sisimiuni Saliineq 2012-imut tapertaliullugu sapaatip akunnerata naanerani kingullermi sammisamut EQQAKK@T-nut atatillugu containerit nassuiaatigineqarput.

Sisimiuni innuttaasunut tamanut agguaanneqartumik, suleqatigiit quppersagaliornikuupput. Eqqakkat illoqarfiup suatungaanut igikkiartorneqarsinnaanersut quppersakkami atuarneqarsinnaavoq.

Tamatuma saniatigut atuarfinni ilaatigut ullormi sammisassaqartitsinikkulluunniit eqqakkat ajornartorsiutaanerat pillugu atuartunik eqqartueqatigiinnissamik kajumissaarutitalerlugu, quppersagaq Sisimiuni atuarfeqarfinnut nassiunneqassaaq.

Kommunip INI-llu neriuutigaat, eqqakkanik immikkoortiterisalerneq innuttaasunit sungiunneqarniassammat, eqqakkat pillugit taamatut qanimut suleqatigiinneq annertusarneqarsinnaassasoq.

Annertunerusumik paasissutissat
Eqqakkanik immikkoortiterisarneq nutaaq pillugu annertunerusumik paasissutissat Jacob S. Lundgaard-imut, oqarasuaat 52 57 80-imut imaluunniit e-mail: jslu@qeqqata.gl-imut attaveqarnikkut pissarsiarineqarsinnaapput.