Sisimiuni Kommunip allaffissuani ataatsimoorussamik kantinami nerisaqartitsinermik ingerlatsisussarsiorneq

Qeqqata Kommuniani kommunip allaffissuani kantina kommunimi A/S INI-milu sulisunit 30-t 50-illu akornanni amerlatigisunit ulluinnarni atorneqartarpoq.
Kantinamik ingerlatsineq namminersortunngorsarusunneqarpoq. Suliassamik taassuminnga suliarinnittuusinnaasut matumuuna neqerooruteqaqquneqarput.
20. juni 2012

Qeqqata Kommuniani kommunip allaffissuani kantina kommunimi A/S INI-milu sulisunit 30-t 50-illu akornanni amerlatigisunit ulluinnarni atorneqartarpoq.

Kantinamik ingerlatsineq namminersortunngorsarusunneqarpoq.

Suliassamik taassuminnga suliarinnittuusinnaasut matumuuna neqerooruteqaqquneqarput.

Ilaatigut ullaakkorsiutinik, ullup qeqqarsiutinik ualikkullu kaagisortitsinermik kiisalu Kommunimut A/S INI-mullu immikkut pisoqartillugu sassaallertarnissat suliassapput. Piffisami matumani ataasinngornerit, marlunngornerit, sisamanngornerit tallimanngornerillu tamaasa ullup qeqqanut kissartortitsisoqartarpoq, pingasunngornikkullu salat-inik sassaallertoqartarluni. Taakku saniatigut qaammatip aallartinnerani tallimanngornermi siullermi ullup qeqqanut buffenik sassaallertoqartarpoq. Kantina ataatsimoorussaq ullut tamaasa 08.30 aamma 15.30 ammasassaaq.

Suliassap immikkuualuttortai annikitsukkuutaartortaanullu nassuiaat 2012-imi juunip 20-ianiit uunga saaffiginninnikkut piniarneqarsinnaavoq:

Qeqqata Kommunia
Direktionssekretariat
Makkorsip Aqq. 2
3911 Sisimiut

Imaluunniit email-imut uunga qeqqata@qeqqata.gl saaffiginninnikkut.

Neqeroorutit allakkat puussaanut matoqqasumut poorlugit kingusinnerpamik 2012-imi juulip 11-ani nal. 10.00 tunniunneqassapput Sisimiuni sullissivimmi Qullersaqarfiup allatseqarfianut Makkorsip Aqq. 2, tassani neqerooruteqarsimasut akornanni takkullutik peqataarusuttut ilagalugit Kommunip ataatsimiittarfiani neqeroorutit ammarneqassallutik.