Tusagassiutitigut nalunaarut: Maniitsup aqquserngini allagartat nutaat

Maniitsup aqquserngini allagartat nutaat tallimat takussaalereerput. Sisimanngornermi juulip 12-ani allagartat atoqqaarfissiorneqarput.
17. juli 2012

Maniitsup aqquserngini allagartat nutaat tallimat takussaalereerput. Sisimanngornermi juulip 12-ani allagartat atoqqaarfissiorneqarput. 

Pingaartumik ”Ole Petersenip aqqusernga” immikkut malunnartinneqarpoq, taamaattumillu Ole Petersen-ip qitornai Professor emeritus Robert Petersen, palasi emeritus Richard Petersen aamma katersugaasivimmi pisortaasimalluni soraarneq Marianne Petersen immikkut ittumik aggersarneqarlutik.
Allagartani nutaani aqquserngup taaguutaata ataatungaanni, aqquserngit taaguuserneqarnerisa oqaluttuassartaat naatsumik allaaserineqarput. 
Aqquserngit allagartaasa atoqqaartinneqarnerata kingorna peqataasut soqutiginnittullu oqaluffitoqqaliaapput. Tassani Maniitsup oqaluttuassartaata ilaa Maniitsormiut Robert Petersen-ip Richard Petersen-illu oqaluttuaraat. Aasaanerani sulinngiffeqarnerup naligigaluaraa oqalugiartut inussilluarput, tusarnaartullu 60-it 70-illu akornanniittut Maniitsormiuusimasut pillugit oqaluttuarfigineqarlutik. Ilaat siulitik pillugit paasisaqarput. 
Oqalugiareernerup kingorna kommuni kissartullerlunilu kaagillerpoq, tassungalu atatillugu Maniitsormiut tusaamasat peqataasunit ilassineqarlutillu oqaloqatigineqarput. 
Maniitsumi innuttaasut suleqatigiissitaasa suliniuteqarnerisigut aqquserngit allagartaat suliarineqarput.

Annertunerusumik paasissutissat 
Maniitsup aqquserngini allagartat nutaat pillugit annertunerusumik paasissutissamik pissarserusukkuit, Peter S. Olsen, Qeqqata Kommunia, oqarasuaat 817804-imut imaluunniit innuttaasut suleqatigiissitaasa siulittaasua Jaakutoqaq Heilmann, oqarasuaat 521754-imut attavigiuk.