Sisimiuni: Qeqqata Kommunia angajoqqaarsiassarsiorpoq/ilaqutariinnik oqilisaassisartussarsiorpoq

Sisimiuni: Qeqqata Kommunia angajoqqaarsiassarsiorpoq/ilaqutariinnik oqilisaassisartussarsiorpoq.
25. juli 2012

Sisimiuni: Qeqqata Kommunia angajoqqaarsiassarsiorpoq/ilaqutariinnik oqilisaassisartussarsiorpoq. 

Suliassat akisussaaffiillu
Nalinginnaasumik angajoqqaarsiat/oqilisaassisartut, angerlarsimaffimminni meeqqanik paaqqutarinninnerminni, nalinginnaasumik tassanngaannartumilluunniit inissiisimanermi paaqqinninnersiutinik pissarsisarput.
Nalinginnaasumik angajoqqaarsiat, meeqqap pisariaqartitaanik isumaginninniarlutik meeqqamik meeqqanilluunniit paaqqutarinnittarput.
Tullinnguuttut ilaatigut suliassaapput:
• Meeraq nammineq qitornatulli isumagissallugu
• Meeqqerivimmi atuarfimmiluunniit ataatsimiinnernut peqataasarnissaq
• Ulluinnarni suliassanut tunngatillugu meeraq siunnersussallugu 
• Meeqqamut killilersuineq
• Meeqqamut toqqissisimanartumik atugaqartitsineq 
• Ullutsinni perorsaariaatsimut naapertuuttumik perorsaariaaseqarneq
• Inuunermik toqqissisimanartumik meeraq ilinniartissallugu 
• Ilaqutaasut meerarluunniit ajornartorsiuteqarnertik, aliasunnertik allaluunniit patsisigalugu qasuersaartinneqarnissaminnik pisariaqartitsisut
• Meeqqap inuusuttulluunniit ulloq unnuarlu angerlarsimaffimmut inissinneqarnissaminik iluaqutiginerussammagu
• Meeraq inuusuttorluunniit katsorsagassaanngippat.

Piginnaasat:
• Najugaqatigiit tamarmik pinerluuteqarsimassanngitsut
• Nakorsamit misissortinnissamut akuersissuteqartoqassasoq
• Angerlarsimaffik sutigut arlaatigut atornerluisuuffiunani toqqissisimanartuussasoq
• Ilaqutariinnermut immikkoortortaq meeqqalluunniit ilaqutaat suleqatigisinnaavasi
• Meeqqap pisariaqartitaasa naammassinissaanut nukissaqartusi 
• Ammasuususi suleqataarusussuseqartusilu 
• Meeqqanik isumassuinermik misilittagaqartusi

Akissarsiat: 
Nalinginnaasumik paaqqinninnersiutit qaammammut 4.123 koruuniupput. Tamatuma saniatigut meeqqap nerisaqarnissaanut 1000 koruunit tapiissutigineqartarput, meerarlu atisassarsiutissaanik kaasarfimmiussaanillu qaammammut tunineqartarluni. Immikkut pisoqartillugu paaqqinninnersiutit qaffanneqarsinnaapput. Tassanngaannartumik inissiisoqartillugu ullormut unnuamullu 330,00 koruunit tapiissutigineqartarput.

Angajoqqaarsianngorneq:
Angajoqqaarsianngortigani peqqissutsikkut misissortissimassaaq, pinerluuteqarsimannginnermut uppernarsaat pissarsiarineqassaaq, avatangiisit misissorneqassapput, soorluttaaq peqqissutsimut pinerluuteqarsimannginnermullu uppernarsaatit tiguneqarpata angerlarsimaffimmut pulaartoqassasoq. Tamatuma kingorna suliap saqqummiunneqarnissaa suliarineqassaaq, taassumalu inaarutaasumik aalajangiivigineqarnissaanut Ilaqutariinnermut ataatsimiititaliamut saqqummiunneqassalluni. Angajoqqaarsianik nutaanik nutaanngitsunillu pikkorissaaneq ingerlanneqassaaq ukiaq manna.

Angajoqqaarsiatut atorfik pillugu annertunerusumik paasissutissat, Angajoqqaarsianut siunnersortimut Estella P. Møller-imut oqarasuaammut (+299) 86 7438-mut imaluunniit mailikkut esmo@qeqqata.gl-imut imaluunniit Dorthea Isaksen-imut, e-mail: dois@qeqqata.gl-imut attaveqarnikkut pissarsiarineqarsinnaapput.

Qinnuteqaatit ataavartumik suliarineqartarput, ajornanngippallu soraarummeersimanermik uppernarsaatinik, inuttut paasissutissat, oqaaseqaatit attavigineqarsinnaasullu qinnuteqaammut ilanngunneqassallutik
uunga Qeqqata kommunia, 
Angajoqqaarsianut immikkoortortaqarfik
Postbox 1040
3911 Sisimiut