Tusagassiutitigut nalunaarut: Sisimiuni innuttaasut suliniutaat kusanartoq

Juunimi Sisimiut illoqarfiat eqqaavissanik containerinik 16-inik takussaaffiulerpoq – taakkunannga arfineq-pingasut qillertuusakunut ammalu arfineq-pingasut puuja-saaqqanut eqqaavissiaallutik. Qaammatit marluk qanngiutiinnartut containerit siul-liit ulikkaarneqarput.
27. august 2012

Juunimi Sisimiut illoqarfiat eqqaavissanik containerinik 16-inik takussaaffiulerpoq – taakkunannga arfineq-pingasut qillertuusakunut ammalu arfineq-pingasut puuja-saaqqanut eqqaavissiaallutik. Qaammatit marluk qanngiutiinnartut containerit siul-liit ulikkaarneqarput.

Sisimiuni eqqagassanik immikkoortiterisinnaaneq pitsanngorsarniarlugu, kommunip A/S INI peqatigalugu upernaaq qillertuusanut puujaasaaqqanullu eqqaavissat pi-siarisimavaat. 
Eqqaavissiat juunimi pisiniartarfinnut qanittumut inissitsiterneqarput, taamatullu illo-qarfimmi najugaqarfeqarfinnut assigiinngitsunut. Aggusti aallartisimalersoq contai-nerit siulliit sisamat ulikkaarmata imaarneqarput – tamannalu angusaavoq kusanar-toq.

Teknikkimut Avatangiisinullu ataatsimiititaliap siulittaasuata innuttaasut containeri-nik atuilluarneranni nersualaarpai:
”Maannakkut ulluni pingasuni Sisimiuni atuilluartuunissaq pillugu isumasioqatigiin-nerput naammasseqqammerparput. Tassanilu ilaatigut atuilluartuunissaq tas-saammat siunissatsinnik tamatta akisussaaffimmik tigusinissarput eqqartorneqarto-rujusulluni.
Qaammatit marluk ingerlanerinnaanni containerit sisamat ulikkaarnerisigut, Sisimiu-ni innuttaasut amerlasuut avatangiisiminnut akisussaassutsimik pigisaqarnerat taku-tinneqarpoq. Taamatut pissuseqarnikkut, isumasioqatigeereernitta kingorna innut-taasunik ataatsimiititsinitsinni innuttaasut akornanni pigineqarmat aamma uanga maluginiarpara. Soorunalimi uanga Teknikkimut Avatangiisinullu ataatsimiititaliami siulittaasutut tamanna tanngassimaarutigaara tulluusimaarutigeqalugulu”, Hans Frederik Olsen oqarpoq.

Suli pitsaanerusnerusinnaavoq
Sulili pitsaanerusinnaavoq. Illoqarfiup ilaani containerit suli iluamik atugaanngillat, imaluunniit innuttaasut taakku igitassanut allanut atorlugit. Taamaammat kommuni INI-lu ukiariartornerani containerinik atuinissami paasissutissiissarnertik annertusitin-niarpaat, ilaatigut illoqarfinni atuarfiit aqqutigalugit, tamatumuuna meeqqat inuu-suttullu containerinik atuinissamik eqqagassanullu tunngasutigut paasisitsiniutigine-runiarlugit.

Paasissutissat annertunerusut
Eqqagassalerineq annertunerusumik paaserusukkukku Sisimiuni Qeqqata Kommu-niani ingerlatsinermik pisortaq, Jacob Lundgaard oqarasuaat: 52 57 80 attaveqar-figiuk.