Tusagassiutitigut nalunaarut: Qeqqata Kommuniata atuilluartuunissamik suliniuteqarnera Sisimiuni aallartinniarneqalerpoq

Sisimiuni kulturikkut illorsuaq Taseralik arfininngornermi 18.08.2012-imiit ulluni pigasuni isumasioqatigiffiussaaq, tamatumuuna Qeqqata Kommuniata VILLUM FONDEN-illu Atuilluartuunissamik suliniueqarnissamik pilersaarutiginiagaat aallarnisaneqassalluni.
17. august 2012

Sisimiuni kulturikkut illorsuaq Taseralik arfininngornermi 18.08.2012-imiit ulluni pigasuni isumasioqatigiffiussaaq, tamatumuuna Qeqqata Kommuniata VILLUM FONDEN-illu Atuilluartuunissamik suliniueqarnissamik pilersaarutiginiagaat aallarnisaneqassalluni.

Kommunalbestyrelsi, kommunip nunaqarfiini aqutsisunut ilaasortat tamarmik, inuutissarsiuteqarfiit pilersaarusiamullu suleqataasut Naalakkersuisunik kiisalu ilinniartitaanikkut, isumaginninnermut tunngasutigut, teknikkimut avatangiisinullu inuutissarsiutinillu ineriartortitsinermut tunngasutigut ilisimasaqarluartunik naapeqatigiissallutik. Peqataasussat 120-t missaat ataatsimoorlutik kommunip iluani suliffeqarfinni assigiingitsuni atuilluartuunissamik isummanik saqqummiussiffigineqartassapput suleqatigiittassallutillu.

Qeqqata Kommunia 2020-mi Nunani Issittuni inuiaqatigiinni atuilluarfiusutut maligassiuisutut saqqummerusuppoq.
Taamaammat kommuni VILLUM FONDEN peqatigalugu pilersaarusianik aallarnisaassaput, tamatumani atuilluiffiusinnaasusutigut 150-iniit 200 mio. koruunit akornanni aningaasaliissuteqartarnissaq misissuiffiginiarlugu.
Pilersaarutinik aallarnisaanermi suliniutissat 35-t aallarniutigineqarniarput, ukiunilu tulliuttuni akisussaassuseq takussutissinniassallugu, atuilluartuusinnaaneq ukiunilu 2012-imiit 2020-p tungaanut issittumi unamminartutigut maligassiuisussanik. Isumasioqatigiinnissakkut aallarnisaalluni suliniuteqarneq ammarneqassaaq.

Qeqqata Kommuniani borgmesteri Hermann Berthelsen arfininngorpat ullaakkut tikilluaqqusiguni neriuuteqarluarluni isumasioqatigiinnissamut tikilluaqqusissaaq:
- Ilisimasaqarluartut soqutiginartut politikkerillu susassaqartuusut arlalissuit sapaatip akunnerata naanerani peqataasussatut aggersarneqarput. Anguniagarpullu tassaalluni Issittumi 2020-mi inuiaqatigiit Atuilluarfiusut, taamaattumillu uagutsinnut takutinniassallugu pingaaruteqarsimalluni, matumani kikkorpassuit attuumassuteqarmata. Isumasioqatigiinnissaq assorsuaq qilanaaraara. Qularinngilaralu, ataasinngorpat ualikkut tamatta isummanik nutaanik suliniutissamilu siunniussatsinni sapiissuseqarnissamik ulikkaarsimassasugut.

Ataasinngorpat unnukkut innuttaasunik ataatsimiititsinissaq
Isumasioqatigiisitsineq ataasinngorpat ualikkut naammasseriarpat, taava innuttaasut pilersaarutinik annertunerusumik paasissutissinneqassapput. Tamannalu Taseralimmi ataasinngorpat unnukkut nal. 19:00 innuttaasunik ataatsimiititsinikkut pissalluni, innuttaasullu tamarmik peqataanissamut aggersarneqarput. Unnuk taanna nutaarsiassaq ”Atuilluartuunissamik suliniutinut agguataagassat” aamma saqqummiunneqassaaq.

- Atuilluartuunissamik suliniutissat kommunimi innuttaasunit kikkunnilluunniit suliniutaasinnaapput. Innuttaasut atuilluartuunissamik suliniutinik namminneq aallartitsiortorsinnaanerat upperaarput, soorlu isumaginninnermut, ilinniartitaanermut, sunngiffimmi akimoortumik sammisassatigut.
Taamaammat atuilluartuunissamik suliniutinut agguaassassat pilersippavut, takkunanngalu innuttaasut atuilluarnissamik suliniuteqarniarnermi qinnuteqarsinnaassallutik, taama Hermann Berthelsen oqarpoq.

Tusagassiutit peqataasinnaapput
Isumasioqatigiinnissaq tusagassiutinut ammatinneqarpoq, taamatullu aamma ataasinngornermi ualikkut nal. 16:30 Taseralimmi tusagassiortunik katersuutsitsisoqassalluni.

Paasissutissat nnertunerusut
Isumasioqatigiinnissamut tunngasutigut annertunerusumik paasisaqarusukkuit, Borgmesteri Hermann Berthelsen, oqarasuaatikkut 52 75 56-ikkut paasiniaaffigissallugu tikilluaqqusaavutit.