Maniitsumi utoqqaat illuat utoqqarnut suliniutit pillugit saqqummiussiviussaaq

Maniitsumi utoqqaat illuat, Neriusaaq pingasunngorpat Naalakkersuisunut ilaasortap Mimi Karlsen-ip Naalakkersuisut utoqqarnut suliniutaat pillugit saqqummiussiffigissavaa.
12. september 2012
Maniitsumi utoqqaat illuat, Neriusaaq pingasunngorpat Naalakkersuisunut ilaasortap Mimi Karlsen-ip Naalakkersuisut utoqqarnut suliniutaat pillugit saqqummiussiffigissavaa.

Illoqarfimmi utoqqaat peqatigiiffiat innuttaasullu utoqqarnut suliniutinik soqutiginnittut nalunaaqutaq qulinut saqqummiussinissamut peqataaqqullugit aggersarneqarnikuupput. 

Kommunimi Ilaqutariinnermut ataatsimiititaliap siulittaasua Bitten Heilmann tikeraat peqatigissavai, Neriusaamilu iliuuseqaqqinnissaq nuannaarutigalugu. 
- Sapaatip akunnera qaangiuteriitsiarpoq, qallunaat naallakkersuisuiniit Naalakkersuisuniillu utoqqaat illuani tikeraartoqaratta. Isumaqarpungalu illoqarfitsinni utoqqaat illuat nuna tamakkerlugu soqutiginaatilinnut taamatut ammasumik atorneqarsinnaammat soqutiginarlunilu nuannaarutissaasoq.