Imminortarnerup pinaveersaartinneqarnissaa pillugu oqallitsitsineq iluatsilluartoq

Imminortarnerup akiorneqarnera pillugu Sisimiuni pitsaaliuinermi siunnersortit ataasinngornermi septembarip qulingani oqallitsitsipput. Imminortarnerup pinaveersaartinneqarnissaani Paarisap qulequtsiussimasaa ” Illersuutaasinnaasunik nukittorsaaneq neriulersitsinerlu” unnummi aallaavigineqarpoq.
21. september 2012

Imminortarnerup akiorneqarnera pillugu Sisimiuni pitsaaliuinermi siunnersortit ataasinngornermi septembarip qulingani oqallitsitsipput. Imminortarnerup pinaveersaartinneqarnissaani Paarisap qulequtsiussimasaa ” Illersuutaasinnaasunik nukittorsaaneq neriulersitsinerlu” unnummi aallaavigineqarpoq.

30-40-t takkussimasut nerrivikkaarlutik eqqartuipput. Imminornissaminnik eqqarsaateqartut ajornartorsiutitik eqqarsaatitillu pillugit oqaloqateqartassasut peqataasut tamarmik isumaqarput. Suleqatigiit arlallit eqqaavaat, allanik oqaloqateqarnissamik pisariaqartitsigaanni saaffissaqartariaqartoq.

Unnummi isumatsialaat saqqummiunneqarput, siunnersuutigineqartullu ilaat aallaavigalugit pitsaaliuinermi siunnersortit suliaqarniarlutik.

Unnuup ingerlanerani Sisimiuni erinarsoqatigiit akunniliillatsiartarput, unnullu Asanninnerup aqutaatigut naneruuserluni ingerlaaqatigiinnermik naggaserneqarluni.

Paasissutissat annertunerusut
Imminortarnerup pinaveersaartinneqarnissaa pillugu suliniarneq annerusumik paasisaqarfigerusukkukku, pitsaaliuinermi siunnersortinut Karla Olsen aamma Paninguak´M Kruse oqarasuaammut 86 66 46 imaluunniit 58 58 94-imut attaveqarnissannut tikilluaqqusaavutit.