Atuilluartuunissamik aningaasaliissutinit pissarsisut

Qeqqata Kommuniata atuilluartuunissamut aningaasaliissutai, sapaatip akunnialuit qaangiuttut agguaanneqarput.
Aningaasaliissutit 100.000 koruuniusut, kommunimi atuilluartuunissamik aallaaveqartumik suliniuteqarusussuseqarlutik qinnuteqartunut tallimanut agguaanneqarput. Kommunimi atuilluartuunissamik pilersaarutit qanoq siammasissinnaatiginersut suliniutit takutippaat.
21. november 2012
Qeqqata Kommuniata atuilluartuunissamut aningaasaliissutai, sapaatip akunnialuit qaangiuttut agguaanneqarput. 
Aningaasaliissutit 100.000 koruuniusut, kommunimi atuilluartuunissamik aallaaveqartumik suliniuteqarusussuseqarlutik qinnuteqartunut tallimanut agguaanneqarput. Kommunimi atuilluartuunissamik pilersaarutit qanoq siammasissinnaatiginersut suliniutit takutippaat.

Aningaasaliiffigineqartut, atuilluartuunissamilu suliniutigerusutaat matuma ataani takusinnaavatit.

Marius Olsen (Sisimiut)
Qimatulivimmi aalisakkanik uumasunik tuniniaanissaminut silaannalersukkamik qummuattamik pisinissaminut 25.000 koruuninik aningaasaliiffigineqarpoq.

Laasi Kristiansen (Sisimiut) 
Inissiarsuit akornanni naatitsivinnik issiaartarfittalinnik pilersitsinissaminut 30.500 koruuninik aningaasaliiffigineqarpoq.

KT 85 v/Kristian Lyberth, Qaasuk v/Anton Larsen (Kangaamiut) 
arsaattarfik meeqqanit, inersimasunit utoqqarniillu atorneqarsinnaaniassammat, arsaattarfimmi målinut nitsissanik pisinissaminut 9.000 koruuninik aningaasaliiffigineqarpoq.

John Olsen, Maniitsoq Extreme Sport (Maniitsoq) 
Pinngortitami sammisassaqartitsiniutissanik pilersitsinissaminut 20.500 koruuninik aningaasaliiffigineqarpoq. 

Themona aamma Rasmus Kruse-Nielsen (Sisimiut)
ilaatigut seqinisaatit atorneqartarnerat pillugu paasissutissanik siammartiterinissaminnut 15.000 koruuninik aningaasaliiffigineqarput.