Qeqqata Kommuniata atuilluartuunissamik suliniutinut agguaatassiatut aningaa-saaliissutaaniit siulliit agguaanneqarput

Qeqqata Kommuniani atuilluartuunissamik suliniutinut agguaatassianik qinnuteqarfissaq oktobarip 1-anut killiligaavoq.
Atuilluartuunissamik suliniutinut agguaatassiat, nammineq piumassuseq atorlugu innuttaasunit, peqatigiiffinnit suliniaqatigiiffinniillu inuiaqatigiit atuilluarfiusuunissaanni peqataarusunnerminnik kissaateqartut tapersersussallugit siunertarivaa. Tamatumanilu avatangiisinut, inooqataanermut ilinniagaqarnermulluunniit tunngasut pineqarlutik.
19. november 2012

Qeqqata Kommuniani atuilluartuunissamik suliniutinut agguaatassianik qinnuteqarfissaq oktobarip 1-anut killiligaavoq. 
Atuilluartuunissamik suliniutinut agguaatassiat, nammineq piumassuseq atorlugu innuttaasunit, peqatigiiffinnit suliniaqatigiiffinniillu inuiaqatigiit atuilluarfiusuunissaanni peqataarusunnerminnik kissaateqartut tapersersussallugit siunertarivaa. Tamatumanilu avatangiisinut, inooqataanermut ilinniagaqarnermulluunniit tunngasut pineqarlutik.

Innuttaasut amerlasuut iliuuseqarusulluartut atuilluartuunissami iliuusissaasinnaasut sammisivaat, qinnuteqaatillu tamarmik ataatsimiititaliamit nalilersuiffigineqarsimallutik.

Sapaatillu akunnerani kingullermi qinnuteqartut ilaat tallimaasut allagarsipput, tassalu namminneq atuilluartuunissamik eqqarsaatersuutiminnik piviusunngortitsisinnaanissaminnut agguaatassaniit pissarsitinneqarlutik.

Borgmesteri Hermann Berthelsen qinnuteqartunit toqqaaniarnermi peqataasimavoq:
- Qinnuteqaataasimasut innuttaasut akornatsinni qanoq iliuuseqarusuttoqassusia takutippaat, taamalu atuilluartuunissaq siunertaralugu allannguuteqartitserusussutsimik. Ataatsimut katillugit 100.000 koruunit agguaatassiarisimavavut, isumaqarpungalu isumatusaartumik agguataarsimallu-tigit. Oqarlunilu pilersaarutit soqutiginaateqarluinnartut timitalerneqarnissaat qilanaarilluinnarlugu.

Kommunip atuilluartuunissamik pilersitsiniarnermik siunertalimmik isumasioqatigiissitsinerata malitsigi-saanik, atuilluartuunissamik suliniutinut agguaatassiassat pilersinneqarput. 2013-ip aasaanerani Qeqqata Kommuniata ataatsimoortumik pilersaarutit 32-t allaaserineri tunniuttussaavaa, massakkul-lu kommunip susassaqarfiisa iluani atuilluartuunissamik siunertat misissuiffigalugit. 

Pilersaarutit allaaserinerinik Villum Fonde tigusisussaavoq, 2020-illu tungaanut atuilluartuunissamik pilersaarutit tapiffigiumassagai neriunarluni.

Kommunip atuilluartuunissamik agguaatassiissutai, taamatullu 2020-imi atuilluartuuffiunissaminik takorluugaa ingerlaqqissapput, tassa aningaasaateqarfimmiit aningaasaliisoqarnissaa apeqqu-taatippallaarnagu.

Tullianik qinnuteqarnissamut apriilip 1-at 2013 piffissaliussaavoq. 
Uanilu piumasaqaatit aalajanger-sakkallu atuarsinnaavatit.