Maniitsumi meeqqerivinnut meeqqanut qamutit

Maniitsumi Pilersitsivinni atuartut meeqqanut qamutinik sanaartorsimapput, illoqarfimmilu meeqqeriviit tamaasa ataatsinik tunniusimallugit. Pilersitsiviit pingasuusut aamma illoqarfiup aqqusinersua juullip tungaanut qullilersorpaat.
19. december 2012

Maniitsumi Pilersitsivinni atuartut meeqqanut qamutinik sanaartorsimapput, illoqarfimmilu meeqqeriviit tamaasa ataatsinik tunniusimallugit. Pilersitsiviit pingasuusut aamma illoqarfiup aqqusinersua juullip tungaanut qullilersorpaat.

Qeqqata Kommuniata Namminersorlutillu Oqartussat “Inuusuttunut suliffissaaleqisunut iliuusissatut pilersaarutaat”-nit aningaasaliissutinik Pilersitsiviit pilersinneqarput. Ukiup nutaap aallartinnerani quppernermi matumani sanaassaat takusinnaalissavatit – sunngiffimmi tuniniaasartunut illuarassaq piariingajalerpoq, Sisimiunitullu aamma BMX-ertafik skater-tarfillu sanaassaapput. Maniitsumilu innuttaasut peqatigiiffiat illoqarfimmut pinngortitamullu pitsanngorsaanissamut nukappissat sunik sanaartornissaanut amerlasuunik kissaateqarput.

Annertunerusumik paasissutissat
Pilersitsiviit pillugit annertunerusumik paasisaqarusukkuit Henrik Stark Karlsen tlf. 254353 attavigisinnaavat.