Unnuk Kulturisiorfik 2013, Sisimiuni januaari 26-iani

Kulturikkut unnussioqatigiingajalerpugut. Unnulli taanna Sisimiuni qanoruna assigiinngitsutigut pisoqarniartoq?
21. januar 2013

Kulturikkut unnussioqatigiingajalerpugut, Unnulli taanna Sisimiuni qanoruna assigiinngitsutigut pisoqarniartoq?

Ingerlanissaq uani takujuk, ilaquttatillu ikinngutilluunniit peqatigalugu unnuk taanna sumut ornigunniarnerlusi piareersaritsi.

Sisimiut Katersugaasiviat immikkut aaqqissuussiniarpoq, amerlanerillu soqutigissagunarpaat. Louise Fontain-ip Aqaat Puiguinnagaq oqaluttuariniarpaa -, tassa meeraaragami aanami aqaatigisartagaa, piffissalli ingerlanerani Louise-p inersimasorngornermini puigorsimasaa. Aaqqissuussineq qallunaatut ingerlinneqassaaq kisiannili nutserisoqassaaq.