Sisimiuni elektroniskiusunik nipilersuutinik ilitsersuusineq

Nipilersuutit elektroniskiusut pillugit, Serravik (Nipilersornermik atuarfik) tallimanngornermi februaarip 22-ani nal. 16:30-miit saqqummiissaaq/ilitsersuussissaaq. Saqqummiineq/ilitsersuussineq sapaatip akunnerata naanera tamaat ingerlanneqarluni, tallimanngornermi akunnerit marluk missaat ingerlanneqariarluni, kingorna ullormut akunnerit 4-6 ingerlanneqassaaq.
21. februar 2013

Nipilersuutit elektroniskiusut pillugit, Serravik (Nipilersornermik atuarfik) tallimanngornermi februaarip 22-ani nal. 16:30-miit saqqummiissaaq/ilitsersuussissaaq. Saqqummiineq/ilitsersuussineq sapaatip akunnerata naanera tamaat ingerlanneqarluni, tallimanngornermi akunnerit marluk missaat ingerlanneqariarluni, kingorna ullormut akunnerit 4-6 ingerlanneqassaaq. 

Inissat killeqarmata, peqataaniaraanni piffissaagallartillugu uunga nalunaartoqassaaq: serravik@qeqqata.gl

Ilinniartitsineq pingaartumik qallunaatut ingerlanneqassaaq, programmillu ilitsersuutiginiakkagut tuluttuujullutik, taamaakkaluartorli kalaallisuunngortitsisoqarnissaa soorunalimi periarfissaassaaq.

Saqqummiinissap/ilitsersuussinissap nassuiarneqarnera
Drum and bass, Dubstep, Techno, Electro, House, Trance. Nipilersuutit elektroniskiusut amerliartuinnarnerini periarfissat arlalissuupput. Taakku tamarmik assigiissutigaat, angerlarsimaffinni qarasaasiami nammineq pilersissinnaagakkit.

Pikkorissaanissatsinni ullutsinni nipilersuutit elektroniskiusut atorlugit nipilersuutinik pilersitsinissamut periarfissat ilaat misilittassavagut.
Programmi Ableton Live (Windows-imut Mac-imullu ikkunneqarsinnaasoq) aallaavigalugu beat-inik programmeeriineq, bassimik nipilersuutinillu synthesizing-iineq aamma misileraanerit suliarissavagut, soorluuttaaq nipit assigiinngitsut Ableton Live-llu immikkut ittumik nipiliuutai misilerassavagut.

Elektroniskimik nipilersuutit eqqarsaatigalugit, nipit suminngaanneernersut programmillu atorneqarsinnaasut aamma eqqartulaassavagut.