Nalunnguarfiup Atuarfia, Sisimiuni kommunip allaffiani saqqummiivoq

Sisimiuni Nalunnguarfiup Atuarfiani immikkut atuartinneqartartut, marsip qiteqqusimalernerani Nalunnguarfimmi sermimik illuikkiorput. Illuikkiornerat assinngorlugu kusanarluinnartumik takusassiarineqarpoq, takusassiarineqarnerilu sapaatip akunnerini tullerni saqqumitinneqassallutik.
22. marts 2013

Sisimiuni Nalunnguarfiup Atuarfiani immikkut atuartinneqartartut, marsip qiteqqusimalernerani Nalunnguarfimmi sermimik illuikkiorput. Illuikkiornerat assinngorlugu kusanarluinnartumik takusassiarineqarpoq, takusassiarineqarnerilu sapaatip akunnerini tullerni saqqumitinneqassallutik.

Pingasunngormat marsip 13-iani Nalunnguarfiup Atuarfiani immikkut atuartinneqartartuni atuartut, imermik qalipaasikkamik qerititseriarlutik immikkut ittumik illuikkiorlutik aallartipput.



Illuikkiaq qalipaatigissaaqisoq, silap kissatsinneratigut aakkiartunnginnermini, ullualunni Nalunnguarfimmi kusassaataalluarpoq.



Suliaq immikkuullareqisoq pillugu assilissat maanna kommunip allaffiani tamanut nuannaarutissanngorlugit nivinngartiterneqarnikuupput.

Assit 114-t, pilersaarullu pillugu naatsumik oqaasertat atuartut nivinngaatiterpaat.



Assit aamma kulturikkut illorsuarmi Taseralimmi takusinnaavatit.



Annertunerusumik paasissutissat

Suliaat pillugu annertunerusumik paasisaqarusukkuit, Nalunnguarfiup Atuafiani ilinniartitsisoq DortheIvalo L. Olsen, mailimut: dortheivalo@greennet.gl-imut attavigisinnaavat.