Tusagassiutitigut nalunaarut: Qeqqata Kommuniani Sisimiuni umiarsualivittaaq pillugu Royal Arctic Line tikeraarniaq

Sisimiut umiarsualivittaavat, pilersaarutit naapertorlugit aasamut angallappallaalinnginnermi naammassisimasussaq, pingasunngorpat marsip 20-ani immikkut akuerineqarluni Royal Arctic Line-p umiarsuaataanit ”Irina Arctica”-imit atorneqassaaq. Irina Arctica-p RAL-ip Truckianik sapaatip akunnerani kingullermi umiarsualivimmi imaanut atasup qaqitsiniarneranut atillugu tamanna pissaaq.
20. marts 2013

Sisimiut umiarsualivittaavat, pilersaarutit naapertorlugit aasamut angallappallaalinnginnermi naammassisimasussaq, pingasunngorpat marsip 20-ani immikkut akuerineqarluni Royal Arctic Line-p umiarsuaataanit ”Irina Arctica”-imit atorneqassaaq. Irina Arctica-p RAL-ip Truckianik sapaatip akunnerani kingullermi umiarsualivimmi imaanut atasup qaqit-siniarneranut atillugu tamanna pissaaq.

Qeqqata Kommuniata umiarsualivissani aatsaat aasap aallartisimalernerani tigusussaavaa, taamaattumilu konsortiet Aarsleff/Permagreen, Royal Arctic Line-p umiarsualivimmik atuisinnaanissaanik isumaqatigiissuteqartuupput.

-Kommunip tungaaniit entreprenørit piffissaq eqqorlugu suliamik ingerlatsinerannik nersualaangaatsiarusuppavut. Taamatummi aamma suleqatigiinneq kikkunnut tamanut iluaqutsiisussaavoq, uagullumi tamanna tapersersuinnarsinnaavarput, taama oqarpoq Teknikkimut Avatangiisinullu pisortaq Mike Kristiansen.

Naak umiarsualivik suli naammassineqanngikkaluartoq, aasamut umiarsuit takornarissanik angallassiniartut kilisaatillu umiarsualivittaassamik atuiniarlutik inniminniijortulereerput. Inniminniinerlu mail-ikkut ugguuna havn@qeqqata.gl pisinnaavoq.

Sisimiuni umiarsualiviup allilernissaanut atatillugu suleqatigiissitat Naalakkersuisunit sinnerlugit, Assartuussineq pillugu Isumalioqatigiissitat siulittaasuannit Chresten Sørensen, inuiaqatigiinnut akilersinnaasutut naatsorsorneqarnikuuvoq. Tamatumani takornarissanik umiarsuit angallassisartut Sisimiuni umiarsualivissamik atuisarnissaat nunatsinnut isertitsissutaanerpaajussalluni.

Paasissutissat annertunerusut



Sisimiuni umiarsulaivissamut atatillugu paasissutissanik tulliuttumut piniartoqarsinnaavoq Sisimiuni Teknikkimut Avatangiisinullu pisortaq, Mike Kristiansen, mail: mikr@qeqqata.gl imaluunniit oqarasuaat nr. 86 74 50.