Nunaminertamik akuerineqarani atuinermi pinngitsaaliissummik akiliuteqartit-sisalernissaq

Inatsisartut inatsisaat nr. 17, 17. november 2010-meersoq naapertorlugu Qeqqata Kommuniata nunaminertamik akuerineqarani atuinermi pinngitsaaliissummik akiliuteqartitsisalernissaq eqqunniarlugu pilersaarutigivaa.
24. april 2013

Inatsisartut inatsisaat nr. 17, 17. november 2010-meersoq naapertorlugu Qeqqata Kommuniata nunaminertamik akuerineqarani atuinermi pinngitsaaliissummik akiliuteqartitsisalernissaq eqqunniarlugu pilersaarutigivaa.

Pinngitsaaliissummik akiliutissap politiinut unnerluutiginninneq ilutigitigalugu kommuni akiligassanngortitsisassaaq.

 

Akiligassaq qanoq angitigissagava?

Pisumik nalilersuineq tunngavigalugu akiligassiissutissaq suliamiit suliamut nikerartuussaaq – tunngaviusumilli akiliutissaq kvadratmeterimut 100 koruuniussalluni. Inatsimmik unioqqutitsineq sillimaniarnikkut inuiaqatigiinnilu ajornartorsiutinik pilersitsisuuppat, akiliutissaq annertunerulissaaq.

Nunaminertamik akuerineqarani atuinermi pinngitsaaliissummik akiliutissanngortitsissutaasinnaasut imaasinnaapput:

• Inatsimmik unioqqutitsilluni containerimik (2,5 x 6,5 m.) inissiisimaneq, akiligassiissutissaq qaammatip aallartinnerisa tamaasa 1625 koruunit

• Inatsimmik unioqqutitsilluni umiatsiaaqqamik, mikisumik (2,55 x 1,43 m.) inissiisimaneq, qaammatip aallartinneri tamaasa 365 koruunit

• Inatsimmik unioqqutitsilluni illuaqqiorneq (30 m2), qaammatit pingasut aallartinneri tamaasa 3000 koruunit

Qasseriarlunga akiligassinneqarsinnaavunga?

Pisumik nalilersuineq tunngavigalugu suliamiit suliamut pisumik nalilersuineq tunngavigalugu akiligassiissutiginnissinnaaneq nikerarsinnaavoq – aallaavittulli qaammatikkaartumik akiligassinneqartassaatit.

Pinngitsaaliissummik akiligassiissut tigusassavat, tamanna pisariaqartutut kommunip isigippagu, pinngitsooranilu inatsimmut naapertuuttunngortitsinissap eqqatuussivikkoortumilluunniit aalajangiisoqarnissaata tungaanut.

Akiliuteqartitsisalernissamik pilersaarummut atatillugu oqaaseqaatiginiakkat apeqquteqaatiginiakkallu Qeqqata Kommuniani Teknikkimut avatangiisinullu immikkoortortamut, Postboks 1014, 3911 Sisimiut imaluunniit mailikkut: tahe@qeqqata.gl kingusinnerpaamik 10. maj 2013.