Sisimiuni innarluutillit timigissarnissaminnut periarfissagissaarnerulersut

Sannavik 2-miittussanik timigissaatinik pisinissamut, Sisimiuni Innarluutilinnut immikkoortortaqarfik arfininngornermi maajip 18-iani 29.650,00 koruuninik tunissuteqarfigineqarpoq. Lions-ip ukiunik 25-nik nalliuttorsiorneranut atatillugu aningaasat tunniunneqarput.
27. maj 2013

Sannavik 2-miittussanik timigissaatinik pisinissamut, Sisimiuni Innarluutilinnut immikkoortortaqarfik arfininngornermi maajip 18-iani 29.650,00 koruuninik tunissuteqarfigineqarpoq. Lions-ip ukiunik 25-nik nalliuttorsiorneranut atatillugu aningaasat tunniunneqarput. Sannavik 2-miittussanik timigissaatinik pisinissamut atatillugu Sisimiuni innarluutillit sinnerlugit Innarluutilinnut immikkoortortaqarfik aningaasanik qinnuteqarsimavoq.

Sannavik 2, Sisimiuni tapersersorteqarfiup Pisoq-p ataani illersukkamik sannaviit pingasuusut ilagaat. Siorna sapaatip akunnera 41-mi innarluutillit sapaatip akunnerisaannut atatillugu issiavimmik tagiartuisinnaasumik, timigissaataasinnaasunillu innarluutillit kissaateqarput. Timigissarsinnaanissamut periarfissagissaarnerunissamik kissaateqarneq maanna Lions-ip iliuuseqarneratigut piviusunngorpoq.

Sannavik 2-mi atuisut, piffissami qaninnerusumi naammasineqarpat, namminneq timigissartarfeqalissapput.

Paasissutissat annertunerusut

Pisortaq Sven Olov Åsblom, oqarasuaat 530114.