Sisimiuni mittarfikumi entreprenørit ilitsiveqarnissaannut tunngatillugu Kommunalbestyrelsip § 32 atuuttussanngortippaa

Qeqqata Kommuniani kommunalbestyrelsi 2013-imi juunip tallimaani ataatsimiinnermi aalajangerpaa, Kommunip pilersaarusiorneranut tapiliussaq nr. 39-mi – Aqqusinersuarmi mittarfikoq.
17. juli 2013

Qeqqata Kommuniani kommunalbestyrelsi 2013-imi juunip tallimaani ataatsimiinnermi aalajangerpaa, Kommunip pilersaarusiorneranut tapiliussaq nr. 39-mi – Aqqusinersuarmi mittarfikoq – sanaartorfissaq 1.4-mi nunaminertamik atugassinneqarnissamik qinnuteqaammut § 32 atorneqassasoq.

Mittarfikup nalaa takornarissanut assigiinngitsutigut angalaarniartunut kiisalu qamuteqaralannik, kangerluarsunnguamilu inuutissarsiorfiup kingunerisaanik annerusumik angallattoqalernerani angallattunut kiffartuussivittut atorneqarnissaanik kommunalbestyrelsi suliniuteqarpoq. Kommunalbestyrelsip nalilerpaa, entreprenøreqarfimmik haalimilluunniit pilersitsinissamut nunaminertamik atugassinneqarnissamik qinnuteqaat, Kommunip pilersaarusiorneranut tapiliussaq nr. 39-mi siunertanut naapertuutinngitsoq.