2013-imi ukiaanerani umimmanniarnissaq

2013-imi aggustip aaqqaataaniit oktoberip 31-iata tungaanut ukiaanerani umimmanniarnissap, inuussutissarsiutigalugu piniartunit aammalu sunngiffimmi pinialuttartunit ingerlanneqarnissaa Naalakkersuisut aalajangerpaat.
11. juli 2013

2013-imi aggustip aaqqaataaniit oktoberip 31-iata tungaanut ukiaanerani umimmanniarnissap, inuussutissarsiutigalugu piniartunit aammalu sunngiffimmi pinialuttartunit ingerlanneqarnissaa Naalakkersuisut aalajangerpaat.

Maniitsup aqutsisoqarfiani umimmanniarnissamut tunngatillugu pisassat qummut killeqanngillat.

Sisimiut aqutsisoqarfianni umimmaat 300-it pisassiissutigineqarput, qinnuteqartitsinikkullu pisassiissutit agguaanneqassalutik.

Sisimiut aqutsisoqarfianni qinnuteqarnissamut piumasaqaataapput, ullormi qinnuteqartitsinermut periarfissatut kingullertut ulluliunneqarsimasumi, 16-inik ukioqalereersimanissaq, kiisalu 2013-mi piniarnermut allagartap akilereersimanissaa.

Umimmanniarnissami ukiuni marlunni Kalaallit Nunaani najugaqareersimanissamut piumasaqaat aammalu piniarnermut allagartap 1. maj 2013 akilereersimanissaa atuutinngillat.

Qinnuteqartitsineq aallartereerpoq ingerlanneqassallunilu sisamanngornerup juulip 25-at 2013 nal. 14:00-ip tungaanut.

Qinnuteqartitsineq ingerlanneqarpoq Sisimiuni kommunip allaffiata saaffiginnittarfiani, Kangerlussuarmi servicecenter-imi kiisalu Itillimi Sarfannguanilu kommunip allaffiinni.