Qarasaasiat iPads-it Maniitsumi utoqqaat peqatigiiffiannut VELUX FOND-imiit aningaasaliiffigineqarput

VELUX FOND-i Maniitsumi utoqqaat peqatigiiffiannut 27.000 kr-inik aningaasaliivoq qarasaasianut il.il. atugassanut taamaalillutik iPads-it allallu qarasaasiat atorsinnaaleqqullugit. Maniitsumi utoqqaat peqatigiiffiata ilaasortai qarasaasiat iPads-illu atornissaannut ilinniarnissannut periarfissinneqarsinnaanngussapput. Maniitsumi utoqqaat peqatigiiffiata siulittaasua Margrethe Lyberth VELUX FOND-imiit aningaasaliissutigineqartut nuannaarutigeqai.
24. juli 2013

VELUX FOND-i Maniitsumi utoqqaat peqatigiiffiannut 27.000 kr-inik aningaasaliivoq qarasaasianut il.il. atugassanut taamaalillutik iPads-it allallu qarasaasiat atorsinnaaleqqullugit. Maniitsumi utoqqaat peqatigiiffiata ilaasortai qarasaasiat iPads-illu atornissaannut ilinniarnissannut periarfissinneqarsinnaanngussapput. Maniitsumi utoqqaat peqatigiiffiata siulittaasua Margrethe Lyberth VELUX FOND-imiit aningaasaliissutigineqartut nuannaarutigeqai.

- Qeqqata Kommuniata atuilluartuunissamut suliniutaasa ilaannut peqataatinneqarpugut – taannalu ateqarpoq ”Utoqqaat qarasaasiamik ilinniartinneqarnerat". Taassuma siunertaraa utoqqaat innuttaaqataasut qarasaasianut tunngasunut ilinniartinneqarnissaat.

Kommunimi utoqqaat ilinniartinneqarnissarput utoqqaat inuussuttullu imminnut ilisarilersinnaanerannut ataatsimooqatigisinnaanerannullu aqqutaalluarsinnaavoq. Eqqarsaataavoq inuusuttut kajumissusertik tunngavigalu iPads-it atornissaannik qarasaasiallu allat atornissaannut ilinniartissagaativut inuusuttullumi taakku isumaqatigiissuteqarfigereerpavut taamaasiornissaannut. Taamaasillutik inuusuttut qarasaasianut/iPads-inut tunngasunut ilikkarsimasatik ingerlateqqissagaluarpaat. Akerlianik uagut utoqqaat inuunermi misilittakkatta ilaat ingerlateqqissinnaavagut taakkualu tamanut ilinniarfiullutillu nuannaarutaasinnaapput.

VELUX FOND-imiit aningaasaliissutit iPads-inik tallimanik kiisalu qarasaasiamik ataatsimik atortussaanillu pisissutaassapput. Taakkua pisiarineqareerpata taava utoqqaat peqatigiiffiata ilaasortai piumasut ilinniartinneqalissapput aasap kingorna 2013-imi. Utoqqaat peqatigiiffianni ilinniartinneqarnerminni misilittagaat kommunip sinneranut ingerlateqqinneqassapput ukiup 2013/2014-inip ingerlanerani.

Margrethe Lyberth isumaqarpoq suliniut taanna iluatsilluarumaartoq:

Suliniummut ” Utoqqaat qarasaasiamik ilinniartinneqarnerat” iluatsilluarsinnaavoq peqataasut tamarmik piumassuseqarpata sapiissuseqarpatalu suliniutip naammassilluarneqarnissaanut. Manna iluatsillugu tapiissuteqartumut VELUX FOND-imut utoqqat Maniitsumi peqatigiiffiat sinnerlugu qujassuteqarpunga.

VELUX FOND-i tamat iluaqutisaannut aningaasaateqarfiuvoq Villum Kann Rasmussen-imit pilersinneqarsimasoq – taanna ilaatigut VELUX-imik tunngaviliisuuvoq kiisalu allanik soorlu VKR Gruppe-imik.

VELUX FOND-ini 2012-imi tamat iluaqutissaannut 202 mio. kr-ininik aningasalissuteqarsimavoq.

Annertunerusumik paasisaqarusukkuit:

Margrethe Lyberth, Maniitsumi utoqqaat peqatigiiffiata siulittaasua sianerfigineqarsinnaavoq mobil normu +299 274947.


Maniitsumi utoqqaat peqatigiiffianni siulersuisut ilaat: Sammerlerniit aningaaserisoq Ole Kreutzmann, siulittaasoq Margrethe Lyberth, allatsi Elias Lyberth.