Kangerlussuaq Bowlingcenter novembarip aallaqqaataani isumaqatigiissuteqarnikkulluunniit pisiarineqartussanngorlugu tuniniarneqarpoq

Soqutiginnittut, Kangerlussuarmi kiffartuussivimmut ingeniørimut Fritz Baumann Petersen-imut – oqarasuaat 84 12 77-imut imaluunniit mailimut fbpe@qeqqata.gl-imut saaffiginnillutik alakkarterinissaminnut piffisamik inniminniisinnaapput.
30. september 2013

Soqutiginnittut, Kangerlussuarmi kiffartuussivimmut ingeniørimut Fritz Baumann Petersen-imut – oqarasuaat 84 12 77-imut imaluunniit mailimut fbpe@qeqqata.gl-imut saaffiginnillutik alakkarterinissaminnut piffisamik inniminniisinnaapput.

Illorsuaq isikkumisut tuniniarneqarpoq, tunineqareerneratalu kingorna tunisisoq akisussaasunngortinneqarsinnaanani.

Tuniniaanermut atatillugu aningaasartuutissat tamarmik pisisumit isumagineqassapput.

Neqeroorut qallunaat aningaasaataannik aningaasartaligaq, illorsuup siunissami atorneqarnissaanik nassuiaammik kiisalu ateq, najugaq, aamma oqarasuaatip normua/mail pillugu paasissutissanik ilaqartinneqarluni allakkatigut neqeroorut tullinnguuttumut nassiunneqanngikkuni tunniunneqarsinnaavoq



Qeqqata Kommunia

Servicecenter Kangerlussuaq

Postboks 89

3910 Kangerlussuaq

Allakkap puussaani ilisarnaaserneqassaaq: købstilbud B-1729 Bowlingcentret.


Kinaassutsimillu isertuussilluni neqeroorut allakkap puussaanut matoqqasumut poorlugu kingusinnerpaamik 2013-imi tallimanngornermi oktobarip 11-ani nal. 12.00 Kiffartuussivimmut tunniunneqanngikkuni nassiunneqarsimassaaq. Neqeroorutit piffissaagallartillugu tiguneqartut, Kangerlussuami Kiffartuussivimmi nal. 12.00 neqeroorutinik ammartuinermi ilaatinneqassapput.

Neqeroorutit allanngortinneqarsinnaassanngillat, piumasaqaatitaqassanngillat, nangaassuteqassanatillu.

Tuniniaasup akuersineranit kingusinnerpaamik ullut tallimat qaangiuppata, pisinissamut toqqorsisoqanngikkuni qulakkeerinnittoqassaaq.

Neqeroorutinik tamanik Qeqqata Kommunia itigartitsisinnaatitaavoq.