Tusagassiutinut nalunaarut: Nunaannarmi angalanissamut akuersissutit

Qeqqata Kommunia Maniitsup eqqaani angallavissiamut, Sisimiut Kangerlussuullu akornanni assartuinermut angallavissiamut, kiisalu Kangerlussuup eqqaani ukiukkut umimmanniarnermi tammajuitsussarsititsiniarnermilu assartuinermut angallavissiamut akuersissuteqarpoq.
30. december 2013

Qeqqata Kommunia Maniitsup eqqaani angallavissiamut, Sisimiut Kangerlussuullu akornanni assartuinermut angallavissiamut, kiisalu Kangerlussuup eqqaani ukiukkut umimmanniarnermi tammajuitsussarsititsiniarnermilu assartuinermut angallavissiamut akuersissuteqarpoq.

’Assartuutit motoorinik ingerlatillit atorneqarneri pillugit Namminersorlutik Oqartussat nalunaarutaat nr. 10, 10. oktober 2013-imeersoq’ 2014-imi januaarip aallaqqaataani atuutilissaaq. Nalunaarut tunngavigalugu kommuni angalanissamut ileqqoreqqusatigut nunaannarmi immikkoortunik ingerlavissianillu motoorilinnik angallaviusinnaasunik akuersissuteqarsinnaavoq.

Taamaalilluni ’Sisimiut, Kangerlussuup Maniitsullu eqqaanni assartuutit motoorinik ingerlatillit atorneqarneri pillugit Namminersornerullutik Oqartussat nalunaarutaat nr.5 , 25. maj 1999-imeersoq’ atorunnaarpoq. Nalunaarut taanna naapertorlugu innuttaasut Sisimiut Kangerlussuullu akornanni ingerlavissiakkut angallannissaat akuersissutigineqarpoq.

Kommunip Qa¬mu¬tit mo¬too¬ril¬lit nunaannarmi angallassissutiginissaat pillugit ileqqoreqqusaa nutaaq 2014-imi februaarip 27-ni kommunalbestyrelsip ataatsimiinnerani aalajangiiffigineqarnissaa naatsorsuutigineqarpoq. 2013-imi novembarimi tusarniaassutigineqarpoq, kommunalbestyrelsilli 2013-imi decembarip tallimaani ataatsimiinnermi aalajangiinnginnermi, ataatsimiititaliat tusarniaaffigineqaqqaarnissaat aalajangerpaa.

Kommunip Qamutit motoorillit nunaannarmi angallassissutigisaat pillugu ileqqoreqqusaq kommunalbestyrelsimit suli akuersissutigineqanngimmat, 2014-imi januaarip aallaqqaataanit nunaannarmi angallannerit tamat inerteqqutaassaaq. Kommunalbestyrelsi immikkut akuersissutinik tunniussisinnaavoq.

Maanna kommuni inuutissarsiutigalugu piniartunut tammajuitsussarsititsiniarlunilu piniartitsisartunut akuersissuteqarpoq, ingerlavissiaasunut Qinnguata Kuussua aammalu Tatsip ataa aqqusaarlugu kangerlukkut.

Piniarneq aallartissaaq januaarip aallaqqaataani. Taamaattumik Sisimiut Kangerlussuullu akornanni assartuinermut akuersissutit pisariaqartinneqarput, soorlu Kangerlussuup eqqaani inuutissarsiutigalugu piniartut ukiuunerani piniarfigalugu atortagaat assartuinermut angallavissiaq, kiisalu soorunami C2-mi C3-milu piniariarnermi ingerlavissiat.

Akuersissutigineqartut marluk imatut isikkoqarput.

  • Akuersissut Sisimiut Kangerlussuullu akornanni ingerlavissaq, Maniitsullu eqqaani siornatigut aqqutigineqartartut assigalugit ingerlavissiat.
  • Akuersissut Kangerlussuup eqqaani inuutissarsiutigalugu piniartunut tammajuitsussarsititsiniarlunilu piniartitsisartunut. Una angallavissianut atorneqartartunut kiisalu C2-mi C3-milu piniariartarfinnut akuersissutigineqarpoq.

Bilag: