Qeqqata Kommuniani innuttaasunut tusarniaaneq

Qeqqata Kommuniani Eqalunniarneq pillugu ileqqoreqqusassaq piareersarlugu suliarineqarpoq.
Eqalunniarneq pillugu Namminersorlutik Oqartussat nalunaarutaat nr. 20, 25. august 2005-imeersumi § 9, imm. 2 imatut aalajangersagaqarpoq:
21. maj 2014

Qeqqata Kommuniani Eqalunniarneq pillugu ileqqoreqqusassaq piareersarlugu suliarineqarpoq. 
Eqalunniarneq pillugu Namminersorlutik Oqartussat nalunaarutaat nr. 20, 25. august 2005-imeersumi § 9, imm. 2 imatut aalajangersagaqarpoq::
”Kommunit ileqqoreqqusaat 
§ 9. Ukiut tallimakkaarlugit eqaloqarfitsialaat aalisarnerup annertuallaarneranit uloriarnartorsiortinneqarnerpaatut nalilerneqartut kommunalbestyrelsip nalunaarsortassavai. Nalunaarsuusiaq Aalisarnermut, Piniarnermut Nunalerinermullu Naalakkersuisoqarfimmut nassiunneqassaaq. 
Imm. 2. Kommunalbestyrelse ukiut tallimakkaarlugit ileqqoreqqusakkut kommunip ilaani sumiiffimmik eqaloqarfilimmik imaluunniit arlaliusinnaasunik ukiuni tallimani atuuttussamik eqqissisimatitaliortassaaq. Kommunit ileqqoreqqusaat Aalisarnermut, Piniarnermut Nunalerinermullu Naalakkersuisumit atulersinneqartassapput.
Imm. 3. Sumiiffiit imm. 2-imi taaneqartut imaq eqaluit kuunnit eqqissisimatitaneersut sisusimatillutik najortarunagaat toqqammavigalugu killilerneqartassapput. Killiliinermi imm. 1 naapertorlugu eqqissisitsinerup sunniutissaa annerpaaq anguniarneqassaaq
Imm. 4. Kommunalbestyrelsip sumiiffinnik eqqissisimatitassanik toqqaanermini, siusinneru-sukkut Eqalunniarneq pillugu Namminersornerullutik Oqartussat nalunaarutaat nr. 11, 18. juni 1997-imeersoq tunngavigalugu toqqarsimasani toqqaqqissinnaavai. 
Imm. 5. Kommunit ileqqoreqqusaat nalluutit qissattuutillu atorlugit eqaloqarfínni eqqissisimatitaasuni eqalunniarsinnaatitsisinnaapput, eqaloqarfiit qangaaniilli qasuersaarfiusartut pingaarutaat pigiinnarneqaqqullugu”.

Matumuuna Qeqqata Kommuniani innuttaasut tusarniaaffigaagut Qeqqata Kommuniata ilaani sumiiffimmik eqaloqarfilimmik imaluunnit arlaliusinnaasunik ukiuni tallimani atuuttussamik eqqissisimatitassamik siunnersuutissaqarnersut tusarniaassutigalugu.
Eqaloqarfimmik eqqissisimatitassamik eqqissisimatitassanilluunniit siunnersuutit tunngavilersukkat allaganngorlugit Qeqqata Kommuniani kommunip allaffiinut apuutereeqquneqarput kingusinnerpaamik 30. maj 2014. 
E-mail-ikkut aamma nassiunneqarsinnaapput uunga: qeqqata@qeqqata.gl
Paasissutissat annertunerusut Qeqqata Kommunianut oqarasuaat 863569 Otto Berthelsen imaluunniit Iver Lyberth 817813-imut saaffiginninnikkut pissarsiarineqarsinnaapput.