2014-ip ukiaanerani umimmanniarnissaq

2014-imi aggustip aallaqqaataaniit oktoberip 15-iata tungaanut ukiaanerani umimmanniarnissap, inuussutissarsiutigalugu piniartunit aammalu sunngiffimmi pinialuttartunit ingerlanneqarnissaa Naalakkersuisut aalajangerpaat.
3. juli 2014
2014-imi aggustip aallaqqaataaniit oktoberip 15-iata tungaanut ukiaanerani umimmanniarnissap, inuussutissarsiutigalugu piniartunit aammalu sunngiffimmi pinialuttartunit ingerlanneqarnissaa Naalakkersuisut aalajangerpaat.

Maniitsup aqutsiveqarfiani umimmanniarnissamut tunngatillugu pisassat killeqanngitsumik tunniunneqarput. 
Sisimiut aqutsiveqarfianni umimmaat 300-it pisassiissutigineqarput, qinnuteqartitsinikkullu pisassiissutit agguaanneqassallutik.

Sisimiut aqutsiveqarfianni ullormi qinnuteqartitsinermut kingullertut ulluliunneqarsimasumi 16-inik ukioqalereersimanissaq, kiisalu 2014-mi piniarnermut allagartap akilereersimanissaa, qinnuteqarnissamut piumasaqaataapput.

Umimmanniarnissami ukiuni marlunni Kalaallit Nunaanni najugaqareersimanissamut piumasaqaat aammalu piniarnermut allagartap 1. maj 2014 akilereersimanissaa atuutinngillat.

Qinnuteqartitsineq aallartereerpoq, tallimanngorneq juulip 25-at 2014 nal. 14:00-ip tungaanut ingerlanneqassalluni.

Aalisarnermut piniarnermullu siunnersortimut, Sisimiuni kommunip innuttaasunit saaffiginnittarfianut, Kangerlussuarmi servicecenter-imut kiisalu Itillimi Sarfannguanilu kommunip allaffiinut saaffiginninnikkut qinnuteqartoqarsinnaaavoq.
 

Inussiarnersumik inuulluaqqusilluta

Qeqqata kommunia