Meeqqat atuarfiat Sisimiuni immikkut sammineqartoq

Qeqqata Kommuniata sapaatip akunnerani matumani Sisimiuni meeqqat atuarfiat pillugu isumasioqatigiissitsinermigut, innuttaasunik ataatsimiisitsinermigut, pinngortitalerinermilu ilinniartitsisunut pikkorissaanermigut meeqqat atuarfiat immikkut samminiarpaa.

Pilersaarutit peqataasullu allattorsimaffiat takukkit.
25. august 2014

Qeqqata Kommuniata sapaatip akunnerani matumani Sisimiuni meeqqat atuarfiat pillugu isumasioqatigiissitsinermigut, innuttaasunik ataatsimiisitsinermigut, pinngortitalerinermilu ilinniartitsisunut pikkorissaanermigut meeqqat atuarfiat immikkut samminiarpaa.

Meeqqat atuarfiat pillugu isumasioqatigiinneq

Kommunalbestyrelsi kommunimilu meeqqat atuarfiini pisortat aggustip 26-ani meeqqat atuarfiat pillugu isumasioqatigiissapput. Qeqqata Kommuniani meeqqat atuarfiata ineriartortinneqarnissaa eqqartorneqassaaq, soorluttaaq atuarfinnik aqutsineq, ulloq naallugu atuarfik, qarasaasiat iPads-illu kiisalu suiaassutsit assigiinngissusaat eqqartorneqassasut.

Meeqqat atuarfiat pillugu isumasioqatigiissitsinermi ilaatigut tuluit nunaanni atuarfiit ilaanni pisortaq Abdul Chohan saqqummiilluni atuakkanik atuinani atuarfimmi aqutsineq pillugu oqaluttuassaaq. Danmarks Pædagogiske Universitet-iminngaannit Frans Ørsted Andersen, Finland-imi ulloq naallugu atuarfik ingerlalluartoq, Qallunaat Nunaannilu meeqqat atuarfiini nukappiaqqat eqqissiviitsut qanoq sullinneqartarnersut oqaluttuassaaq.

Innuttaasunik ataatsimiisitsineq

”Meeqqat atuarfiani iPads-inik atuilernikkut ineriartortitsineq” aamma ”Meeqqat atuarfiini nukappiaqqat eqqissiviitsut atuarfiit qanoq sullissinnaaneraat” pillugit Abdul Chohan aamma Frans Ørsted Andersen, marlunngornermi unnukkut nal. 19.30 aallartittussamut Taseralimmut Sisimiuni innuttaasut tusarnaariarsinnaapput.



Pinngortitalerineq

Ataasinngornermit pingasunngorneq ilanngullugu, meeqqat atuarfiini pinngortitalerinermik ilinniartitsisunut Nutaaliorfik pikkorissaassaaq. Kalaallit Nunaanni meeqqat atuarfiini atuartut soqutiginninnerulersinniarlugit, taamaalillutillu pinngortitalerinermut pikkorinnerulernissaat pillugu Institut for Læring aamma Nutaaliorfik, Nordisk Ministerråd-imit tapiiffigineqarnermikkut pinngortitalerinermik ilinniartitseriaaseq ineriartortippaat.

Pilersaarutit peqataasullu allattorsimaffiat

Program - Ilaqutariinnermut tunngasut pillugit isumasioqatigiinneq

Program - Atuarfeqarfik pillugu isumasioqatigiinnissamut pilersaarut

Program - Budgetseminar

Peqataasut allattorsimaffiat


Abdul Chohan

Frans Ørsted Andersen