Johannes Kreutzmann-ip inuusaliai uteqqipput

Johannes Kreutzmann-ip qisummit inuusaliai ukiut 75-it sinnerlugit qaangiuttullu nunatsinnut uteqqipput!

Nunatta Katersugaasivianit aqunneqarluni f. Lytzen’s Aningaasaateqarfianit Astrid Ericsen-ip tapiissuteqarneratigut, piniartorsuup eqqumiitsuliortullu Kangaamiormiup Johannes Kreutzmann-ip (1862-1940) qisummit inuusaliat immikkuullarilluinnartut uku sisamat Maniitsumi Katersugaasiviup pisiarai.
15. august 2014

Nunatta Katersugaasivianit aqunneqarluni f. Lytzen’s Aningaasaateqarfianit Astrid Ericsen-ip tapiissuteqarneratigut, piniartorsuup eqqumiitsuliortullu Kangaamiormiup Johannes Kreutzmann-ip (1862-1940) qisummit inuusaliat immikkuullarilluinnartut uku sisamat Maniitsumi Katersugaasiviup pisiarai.

Inuusaliat 1928-29-mi Danmark-iliaanneqarput, taamaalillunilu ukiut 75-it sinnerlugit qaangiuttullu Nunatsinnut uteqqillutik.

Inuusaliat taakku sisamat tassaapput arnaq naartusoq, angut, arnaq pilattoq aamma ajoqi . Qissiaq atorlugu inuusaliaapput, siuleqqaarnagillu qalipagaasimallutik. Inuusaliat 24-46 cm-inik angitigipput.

Maniitsumut nassiunneqarnerat Royal Arctic Line-p aningaasaliiffigaa. Kangaamiuni Katersugaasiviup ataavartumik tigunissaanut piareernissaata tungaanut Maniitsup Katersugaasiviani saqqummersinneqassapput.

Plakaati uani takuuk.