NunaMineralsip Napasup timaani aatsitassanik qaqutigoortunik misissueqqis-saarnerit ingerlappaat

NunaMinerals-i Ole Christiansen-imik pisortaaffigineqartoq aasaq manna Napasup timaani Qeqertaasamik taaneqartumi aatsitassanik qaqutigoortunik ujaasillutik qilleripput. Tassani suleqatigineqarput Korea kujallermiut Ole Christiansen nassuiaavoq.
16. september 2014

NunaMinerals-i Ole Christiansen-imik pisortaaffigineqartoq aasaq manna Napasup timaani Qeqertaasamik taaneqartumi aatsitassanik qaqutigoortunik ujaasillutik qilleripput. Tassani suleqatigineqarput Korea kujallermiut Ole Christiansen nassuiaavoq.

Tassani pingaarnerutillugit qilleripput kemi-mi lathananide-inik taaneqartartut – tassalu kalaallisut taaneqassagunik ”pinngoqqaat-mik” Lantan-imik atilimmik – taassumalu ilagisaat ”pinngoqaatit” 15-iusut ilanngullugit.

Ole Christiansen-ip naatsorsuutigaa ukioq manna qillikkamik inerneri paasigunikkit qanoq annertutiginersut naatsorsorsinnaajumaarlugit – tassa aatsitassat tonsinngorlugit naatsorsorlugit kiisalu qanoq procentinngorlugu akoqartiginersut. Neriuutigaat ukiap ingerlanerani naatsorsukkamik inerneri saqqummiussinnaassalugit.

NunaMinerals A/S Kalaallit Nunaanni aatsitassanik misissueqqissaartartunit siuttuuvoq. Aatsitassarsiorfiup siunertaraa Kalaallit Nunaata aatsitassaataasa atorluarneqarnissaat periarfissarsiuutissallugit tassanilu annermik iluanaarutaasumik aningaasarsiuutigineqarnissaat allat piginneqatigalugit, aatsitassarsiortunik akileraartitsisarnikkut kiisalu naasaaminnik aatsitassarsiorfinnut tuniniaanermikkut.

 



Napasup timaani Qeqertaasami NunaMinerals 2014-imi qillerisut