Tusarniaaneq: Sisimiuni innarluutilinnut centerissaq

Sisimiuni kommunip pilersaarusiorfigineqarneranut tapiliussaq nr. 8-mi sanaar­torfissami 2.2.3-mi, innarluutilinnut centerissamik Naalakkersuisut sanaartortitsiniarput.
15. oktober 2014

Sisimiuni kommunip pilersaarusiorfigineqarneranut tapiliussaq nr. 8-mi sanaar­torfissami 2.2.3-mi, innarluutilinnut centerissamik Naalakkersuisut sanaartortitsiniarput. Sanaartorfissaq Telepost-ip aamma meeqqerivik Kanaartap akorngini qorsooqqinnermi inissisimavoq. Sanaartugassaq pitsaanerpaamik isikkiveqassaaq, illullu avataani qorsooqqinneq illullu ilua imminnut ataqatigiissallutik.

Innarluutilinnut centerissap qinnutigineqartup, illuliornermi ileqqut ungasissusiliinerillu eqqaaniittut malinnagit, kusa­nartumik immikkut ittumik ilusilersugaanini taavalu Nalunnguarfimmut samminini, immikkuullarissutigivaa.

Pilersaarummiit immikkut ittumik akuerineqarnissamut ukua qinnutigineqarput:

  • Quit aamma majuartarfiit/majorallaffiit kisiisa aqquserngup tungaanut killigititassamiitillugit, sanaartornissami aqquserngup tungaanut killigititassaq nikisinneqassasoq
  • Sanaartorfissap inissisimaffia allanngortinneqassasoq, sanaartorfissalli ataatsimut annertussusissaa qaangerneqarani
  • Biilinut unittarfik illup kujataatungaa­niinnani avannaatungaaniissasoq

Immikkut akuerineqarnissamut oqaaseqaatit akerliliissutilluunniit, kingusinnerpaamik 2014-imi septembarip 29-ani (Sivdlek-kut saqqummiunneqarnerata kingorna ullut 14-it) Teknikkimut Avatangiisinullu Immikkoortortamut, Postboks 1014, 3911 Sisimiut imaluunniit Sis.otm@qeq­qata.gl-imut tunniunneqarsimassapput.