Sisimiuni illu tuniniagaq

Matumuuna Sisimiuni B-1158, Qajaasat 19, 2014-imi novembarip 15-ianit isumaqatigiissuteqarnikkulluunniit tigusussanngorlugu tuniniarpaa. Ukiuni arlaqartuni B-1158 kommunimi pisortanut najugaqarfiusimavoq.
22. oktober 2014

Matumuuna Sisimiuni B-1158, Qajaasat 19, 2014-imi novembarip 15-ianit isumaqatigiissuteqarnikkulluunniit tigusussanngorlugu tuniniarpaa.

Ukiuni arlaqartuni B-1158 kommunimi pisortanut najugaqarfiusimavoq. Illu pineqartoq Panda-typehus-iuvoq, quleriiuvoq, 1986-imi sanaartorneqarsimavoq, 210 kvm-it missaannillu annertussuseqarluni. Qullermi igaffik, ini, sinittarfiit marluk kiisalu uffarfik perusuersartarfillu inissisimapput. Ataani immikkut isertarfeqarluni init arfiniliupput, taakkulu ininut pigasunut, errorsisarfimmut/kiassaateqarfimmut toqqorsivimmullu agguataarneqarlutik. Illu uuliatortumik kissartuuteqarpoq, ukioq naallugu imermut kuuffisuarmullu attaveqarluni.
2012-imi misileraanermut atatillugu kii­salu ARTEK suleqatigalugu illup saqqaatigut iluarsartuunneqarpoq, pappialanillu oqorsaasersoqqinneqarluni. Iikkani tamani uuttuutinik ikkussuisoqarnikuuvoq, 2012-imilu majuartarfiit sangoriaat majuartarfiillu silataaniittut taarserneqarlutik.
Illu taama isikkoqartillugu, akuerineqarsinnaasumik 1 mio. koruuni sinnerlugu akisunerpaamik neqerooruteqartumut tuniniarneqarpoq. Tuninerata kingorna tunisisoq akisussaaffeerussaaq. Tunisinermut atatillugu aningaasartuutissat tamarmik, matumani piginnittuunermut uppernarsaa­tip naqissusernissaa ilanngullugu, pisisup nammineq isumagissavai.
Sisimiuni Teknikkimut Avatangiisinullu immikkoortortami sanaartukkanut inspektørimut Niels Jensen-imut, oqarasuaat 86 74 65-imut imaluunniit mailimut nije@qeq­qata.gl-imut saaffiginnissuteqarnikkut, pisinissaminnut soqutiginnittut illumik alakkarterisinnaapput.

Neqeroorut qallunaat aningaasaataannik aningaasartaligaq kiisalu ateq, najugaq aamma oqarasuaatip normua/mail pillugu paasissutissanik ilaqartinneqarluni allakkatigut neqeroorut Sisimiuni Teknikkimut Avatangiisinullu immikkoortortamut tunniunneqassaaq imaluunniit uunga nassiunneqarluni:
Qeqqata Kommunia
Teknik & Miljø
Postboks 1014
3911 Sisimiut

Allakkap puuani ilisarnaaserneqassaaq: købstilbud B-1158

Kinaassutsimik isertuussilluni neqeroorut allakkap puussaanut matoqqasumut poor­lugu, kingusinnerpaamik 2014-imi marlunngornermi novembarip sisamaani nal. 12.00 nassiunneqarsimassaaq/tunniunneqarsimassaaq, tamatumalu kingorna neqeroorutigineqartut ammarterneqassallutik. Neqeroorutit ammarterneqarnerani neqerooruteqartut allallu soqutiginnittut peqataasinnaatitaapput, neqeroorutinik ammarterineq Teknikkimut Avatangiisinullu immikkoortortami pissaaq.
Neqeroorutit allanngortinneqarsinnaas­sanngillat, piumasaqaatitaqassanngillat nangaassuteqassanatillu.
Tuniniaasup akuersineranit kingusinnerpaamik ullut tallimat qaangiuppata, pisinissamut toqqorsisoqanngikkuni qularnaveeqqusiisoqassaaq. Neqeroorutinik tamanik Qeqqata Kommunia itigartitsisinnaatitaavoq.