Timmissat timmisartumut aporsinnaanerat aarlerinarnerulerpoq

Piniarnermi pisat sinnikuisa qimaannarneqartarneri patsisaalluni timmissat timmisartumut aporsinnaanerat aarlerinarnerulerpoq.
Sisimiut mittarfianit sømiilip ataatsip iluani qeqertani sissamilu qassutinik piniutinillu uninngatitsisoqaqqusaanngilaq, soorluttaaq aalisakkanik panertulisoqassanani aamma pilassimatilluni sinnikunik qimatsisoqaqqusaanngilaq.
22. oktober 2014

Piniarnermi pisat sinnikuisa qimaannarneqartarneri patsisaalluni timmissat timmisartumut aporsinnaanerat aarlerinarnerulerpoq.

Sisimiut mittarfianit sømiilip ataatsip iluani qeqertani sissamilu qassutinik piniutinillu uninngatitsisoqaqqusaanngilaq, soorluttaaq aalisakkanik panertulisoqassanani aamma pilassimatilluni sinnikunik qimatsisoqaqqusaanngilaq. Tamatumunnga timmissat timmisartumut aporatarsinnaanerat patsisaavoq, timmissammi timmisartumut aporneratigut timmisartoq ajutoorsinnaammat.

Tulukkat naajallu arlaqartut mittarfiup eqqaani arferup erlaviinik qimaannarneqarsimasunik neriniaalutsillugit timmisartoq aportingajannikuuvoq.

Uumasut annerusut erlaviisa kivinissaat qulakkeerumallugu ujaqqamik oqimaaloqutserlugit immamut iginneqartassapput.

Pilassimatillutit sinnikut mittarfiup tungaanut saavissinnaajunnaar­lugit isumaginissaat eqqaamajuk.



Ammarlortut akunneri 1 sømil-imik takitigipput.