Sisimiuni illu tuniniagaq

Matumuuna Sisimiuni B-522A, Gerdaq Aqq. 8, 2014-imi decembarip 1-nit isumaqatigiissuteqarnikkulluunniit tigusussanngorlugu tuniniarpaa.
6. november 2014

Matumuuna Sisimiuni B-522A, Gerdaq Aqq. 8, 2014-imi decembarip 1-nit isumaqatigiissuteqarnikkulluunniit tigusussanngorlugu tuniniarpaa.

B-522A affarleriiuvoq, type 5 D 33,1 m2-isut annertutigisoq, uuliatortumik kissarsuuteqarpoq, ukioq naallugu imermut kuuffissuarmullu attaveqarluni. Toqqavia betongiuvoq.

Illu paarsuaasaqarpoq, igaffik nerisarfiutigisoq, ini, snittarfik perusuersarfillu imaartagaq kiisalu anginngitsumik pequmaasiveqarluni. Tamatuma saniatigut queqarpoq.

Illu taama isikkoqartillugu, akuerineqarsinnaasumik akisunerpaamik neqerooruteqartumut tuniniarneqarpoq. Tuninerata kingorna tunisisoq akisussaaffeerussaaq. Tunisinermut atatillugu aningaasartuutissat tamarmik, matumani piginnittuunermut uppernarsaatip naqissusernissaa ilanngullugu, pisisup nammineq isumagissavai.

SisimiuniTeknikkimut Avatangiisinullu immikkoortortami sanaartukkanut inspektørimut Niels Jensen-imut, oqarasuaat 86 74 65-imut imaluunniit mailimut nije@qeqqata.gl-imut saaffiginnissuteqarnikkut, pisinissaminnut soqutiginnittut illumik alakkarterisinnaapput

Neqeroorut qallunaat aningaasaataannik aningaasartaligaq kiisalu ateq, najugaq aamma oqarasuaatip normua/mail pillugu paasissutissanik ilaqartinneqarluni allakkatigut neqeroorut Sisimiuni Teknikkimut Avatangiisinullu immikkoortortamut tunniunneqassaaq imaluunniit uunga nassiunneqarluni:

Qeqqata Kommunia

Teknik & Miljø

Postboks 1014

3911 Sisimiut

Allakkap puuani ilisarnaaserneqassaaq: købstilbud B-522-A

Kinaassutsimik isertuussilluni neqeroorut allakkap puussaanut matoqqasumut poorlugu, kingusinnerpaamik 2014-imi ataasinngornermi novembarip 17-ani nal. 12.00 nassiunneqarsimassaaq/tunniunneqassaaq, tamatumalu kingorna neqeroorutigineqartut ammarterneqassallutik.

Neqeroorutit ammarterneqarnerani neqerooruteqartut allallu soqutiginnittut peqataasinnaatitaapput, neqeroorutinik ammarterineq Teknikkimut Avatangiisinullu immikkoortortami pissaaq.

Neqeroorutit allanngortinneqarsinnaassanngillat, piumasaqaatitaqassanngillat nangaassuteqassanatillu.

Tuniniaasup akuersineranit kingusinnerpaamik ullut tallimat qaangiuppata, pisinissamut toqqorsisoqanngikkuni qularnaveeqqusiisoqassaaq. Neqeroorutinik tamanik Qeqqata Kommunia itigartitsisinnaatitaavoq.

PDF aaguk.