Sisimiuni qatserisartut pingasut nersorniarneqarput

Sisamanngorneq ulloq novembarip 27-iat 2014 nal. 14.00 Sisimiuni Qeqqata Kommuniani ataatsimiittarfimmi ukiuni qulinngortorsiortut nalliussineqarput. Borgmesterip Hermann Berthelsen diplominik saqqarmiunillu qatserisartut ukuusut nersorniarlugit tunivai: Upalungaarsimanermut mesteri UvdloriaK’ Mølgaard aamma upalungaarsimanermut mesteri Poul Olsen kiisalu upalungaarsimanermut assistenti Ovinguaq Berthelsen.
27. november 2014

Sisamanngorneq ulloq novembarip 27-iat 2014 nal. 14.00 Sisimiuni Qeqqata Kommuniani ataatsimiittarfimmi ukiuni qulinngortorsiortut nalliussineqarput. Borgmesterip Hermann Berthelsen diplominik saqqarmiunillu qatserisartut ukuusut nersorniarlugit tunivai: Upalungaarsimanermut mesteri UvdloriaK’ Mølgaard aamma upalungaarsimanermut mesteri Poul Olsen kiisalu upalungaarsimanermut assistenti Ovinguaq Berthelsen.

UvdloriaK’ Mølgaard 2002-mi qatserisartunngorpoq, 2010-milu holdlederitut ilinniakkaminik naammassereernermini upalungaarsimanermut mesterinngorluni.

Poul Olsen 2001-mi qatserisartunngorpoq, nunatsinni Danmarkimilu illoqarfinni assigiinngitsuni qatserisartuuneq misilittagaqarfigisimallugu. Pouli qatserisartutut kinguaariit pingajussaraat. Aataa ataataalu qatserisartuusimapput, Poulillu anguniartuarsimavaa ilaquttani malillugit qatserisartuunissani.

Ovinguaq Berthelsen 1998-mi qatserisartunngorpoq, 2001-milu unikkallarsimalluni. Ovinguaq 2007-mi qatserisartuunini nangeqqippaa.

Ullumikkut Qeqqata Kommuniani qatserisartut 100-t missaaniipput.



Saamerlermiit UvdloriaK’ Mølgaard, Poul Olsen aamma Ovinguaq Berthelsen.



Qatserisartut aappatik/nuliatik ilagalugit.



Saamerlermiit upalungaatsimanermut pisortaq Ole Kreutzmann, Poul Olsen, UvdloriaK’ Mølgaard aamma Ovinguaq Berthelsen.



Ilaquttat ikinngutillu ullorsiornermut peqataapput.