Maniitsumi Kommunip allaffissuani ataatsimoorussamik Kantinami nerisaqartitsinermik ingerlatsisussarsiorneq

ALLAGARSIUTEQQITAQ

Qeqqata Kommuniani Maniitsumi kommunip allaffissuani kantina kommunimi sulisunit 25-t 35-llu akornanni amerlatigisunit ulluinnarni atorneqartarpoq. Kantinamik ingerlatsineq namminersortunngorsarusunneqarpoq.
21. november 2014

Qeqqata Kommuniani Maniitsumi kommunip allaffissuani kantina kommunimi sulisunit 25-t 35-llu akornanni amerlatigisunit ulluinnarni atorneqartarpoq. Kantinamik ingerlatsineq namminersortunngorsarusunneqarpoq.
Suliassamik taassuminnga suliarinnittuusinnaasut matumuuna neqerooruteqaqquneqarput.
Ilaatigut ullaakkorsiutinik, ullup qeqqarsiutinik ualikkullu kaagisortitsinermik kiisalu Kommunimut immikkut pisoqartillugu sassaallertarnissat suliassaapput. Piffissami matumani ataasinngornerit, pingasun­ngornerit tallimanngornerillu tamaasa ullup qeqqanut kissalaartutortitsisoqartarpoq, marlunngornerit sisamanngornerillu tamaasa kissartunik sassaallertoqartarluni. Taakku saniatigut qaammatip aallartinnerani tallimanngornermi siullermi ullup qeqqanut buffenik sassaallertoqartarpoq.
Suliassap immikkuualuttortai annikitsukkuutaartortaanullu nassuiaat 2014-imi decembarip 5-iani uunga saaffiginninnikkut piniarneqarsinnaavoq:

Maniitsumi Sullissivik
Kuuttartoq B1077
Box 100
3912 Maniitsoq
Imaluunniit email-imut uunga azly@qeq­qata.gl saaffiginninnikkut.

Neqeroorutit allakkat puussaanut matoqqasumut poorlugit kingusinnerpamik 2014-imi decembarip 5-iani nal. 10.00 tunniunneqassapput Maniitsumi sullissivimmi Kuuttartoq B1077, tassani neqerooruteqarsimasut akornanni takkullutik peqataarusuttut ilagalugit Kommunip ataatsimiittarfiani neqeroorutit ammarneqassallutik.
Igasutut ilinniarnikuuit? Køkkenassistent-itut imaluunniit igaffimmi ukiorpassuarni sulinikuuit. Taava immaqa illit suleqatissatillu Kommunip kantinaani ingerlatsisussatut piukkunnaateqarpusi?
Soqutiginnikkui/ssi, taava Erhvervsråd-i
aallarnisarniartunik il.il. ikiussallutit/si piareersimavoq. Taamaattumik soqutiginnikkuit Erhvervsråd-i – Kommunip allaffianut piffissami 10.00 – 14.00 oqarasuaatikkut 81 23 44-mut oqaloqateqarnissarnut inniminniisinnaavutit imaluunniit annertunerusumik paasiniaassitutissanik piniarsinnaavutit.