Maniitsumi Meeqqat Peqatigiiffiat aallartinneqarpoq

Maniitsumi Meeqqat Peqatigiiffiat MMP aallartinneqarpoq ulloq 14.dec. 2014. Siulersuisoqalerluni ulloq 14.Jan. 2015.

Maniitsumi meeqqat peqatigiiffeqalernissaanik siunertaqartut – Henrik Stach Karlsen, Hanne Heilmann - meeqqanut inersimasunullu soqutiginnittunut Dec.14-ni 2014 Maniitsup Oqaluffitoqanni ataatsimiisitsip-put.

13. januar 2015

Maniitsumi Meeqqat Peqatigiiffiat MMP aallartinneqarpoq ulloq 14.dec. 2014.

Siulersuisoqalerluni ulloq 14.Jan. 2015.

Maniitsumi meeqqat peqatigiiffeqalernissaanik siunertaqartut – Henrik Stach Karlsen, Hanne Heilmann - meeqqanut inersimasunullu soqutiginnittunut Dec.14-ni 2014 Maniitsup Oqaluffitoqanni ataatsimiisitsip-put.

Tamanillu – meeqqat 20-25-it, inersimasullu 5-mat - peqatigiiffimmik aallartitsinissaq tapersersormassuk pilersitsinissaq siunniunneqarpoq.

Meeqqat siulersuisooqataajumallutik arlaqartut nalunaarput, taakkua akorngannit piukkunneqartut taamatullu inersimasunit peqataarusuttoq ilaliullugit, peqatigiiffiup siulersuisussaanik inissitsiterisoqarluni.

Inissinnerit:

Siulittaasoq: Frans Heilmann

Aningaaserisoq: Abella Kreutzmann

Siulersuisunut sinniisussat: Paninnguaq Beck aamma Sofiannguaq Kreutzmann.

Siul. Ilaasortaq: Tina Larsen

Inersimasunit:

Siul.Tullia Albricht Upak Kreutzmann

Aningaaserisoq: Hanne Heilmann

Allatsi: Henrik Stach Karlsen.

  • Ilaatigut siunertarineqarpoq, Maniitsumi sunngiffimmi sammisassatigut inissisimaneq meeqqat tungaannit isigalugit qanoq innersut oqallisiginissaat, soorlu illoqarfiup iluani pinnguartarfiit amigaataanerat annertuumillu isumannaallisaanikkut ajorsilluinnarsimanerat iliuuseqarfiniarneqarnissaat.

  • ulluinnarni ileqqorluliuutit ileqqussaanngitsut - meeqqani inuusuttuaqqanilu ilaatigut malugeqqu-saarutigineqaleraangata - akiorniarneqarnissaanni minnerunngitsumillu ileqqorluttoqartillugu inu-iaqatigiinniit isiginneriaatsit pissutsinut aallaaviusunut iliuuseqarfiginninnerulernissaannik kaam-maattuinissaq. Tamanna ilaatigut allanngortinniarlugit, aaqqissuisarnerit ataatsimiuualaartitsisar-nerit, nuannisaartitsinerit, oqallitsitsinerit, paasisitsiniaasitsinerit oqariartuuteqartarsinnaanerillu aqqutigineqassapput.

  • Meeqqat pisinnaatitaaffiisa iluini aammalu Nunarsuarmi Meeqqanut Isumaqatigiissutit FN-ip atu-utseqqusaasa atuuttussaanerisalu iluini illoqarfitsinni qanoq inissisimaneq innersoq misissuataas-sallugu, soorlu, angerlarsimaffinni pissutsit, sunngiffimmi atugassarititat, inooriaatsit assigiinngin-nerat, atuartitaanikkut, inunnik sullissinermi sullinneqarnermi assigiimmik pineqartussaatitaaneq minnerunngitsumillu peqqissutsikkut perorsarneqarnikkut aammalu tarnikkut timikkullu atorner-lugaanermut illersorneqarnissamut oqariartuuteqartuarnissaq. Aamma tassani pingaarpoq in-narluuteqaraanni aammalu inuuniarnikkut appasinnerusumik atugaqarsimagaanni annikinnerusu-millu piginnaaneqarsimagaanni immikkut pineqartarnerit ulluinnarnilu assigiinngitsorpassuartigut immikkoortitaasarnerit pinaveersaarneqarnissaat peqatigiiffiup sulissutigisassaasa ilagaat.

  • Angorusunneqartut aamma ilagaat, siusinnerusukkut ileqqut soorlu pinguaateqariaatsit - maan-nakkut atugaajunnaarsimasut – saqqummeqqissinnaanerat eqqaamasaqartut utoqqaallu suleqatigi-nerisigut.

  • Utoqqaat, meeqqallu inuusuttullu ulluinnarni qaninnerulersinnaanerat, ilaatigut aaqqissueqatigiit-tarnertigut soorlu, naapisimaarnerit oqaluttuartitsinerit ajornangippallu asiarluni angalaqatigiissin-naanerit takorloorneqartut ilagaat.

  • Peqatigiiffeqarnikkut suleqatigiissinnaaneq ammasuunissaq takorluugaavoq, soorlu sinerissami peqatigiiffiit aammalu pisortat suliffeqarfii, soorlu Qeqqata kommunea, MIO, Inuuneritta kik-korpassuillu peqqinnissap tungaatigut aamma suliniuteqartut - meeqqanut inuusuttunullu sulini-uteqarniartillugit peqatigiiffiup saaffigineqarsinnaalluni suleqataasinnaallunilu.

  • Taamatullu peqatigiiffiata aamma siunertaraa meeqqanut tupatornikkut, naamaarnikkut, imigassap putumanartortallip ikiaroorniutillu tungaasigut pinaveersaartitsinerit assigiinngitsut suliniutigineqarneranni peqataasarnissaq.

  • Meeqqat aamma ataatsimeeriaatsinut soorlu; saqqummeeriaatsit, oqallorissarnerit, suleqatigiissinnaanerit misilittarlugillu atugarisassavaat.

  • Aallarterlaajuneq pissutigalugu peqatigiiffiup inerikkiartornissaa sulissutigineqassaaq taamatullu Maniitsormioqatigut kajumissaarpagut tapersersuilluartaqqullugit, meerartatta inooqataanermik-kut pisinnaatitaaffimmikkullu oqartussaaqataanertik malugitissinnaanerulissamassuk aamma sutigut annikikkaluartutigulluunniit.

MMP, Maniitsumi Meeqqat Peqatigiiffiat

Sinnerlugu siulittaasoq

Frans Heilmann

Siul. tullia

Albricht Upak Kreutzmann



Katerinneq siullermit asseq