Nunaannarmi angallassissutit atorlugit angalasinnaanermut immikkut akuersissuteqarneq

Angallanneq pillugu ileqqoreqqusamik nutaamik Kommunalbestyrelsi akuersissuteqarnikuuvoq, ileqqoreqqusarli suli Namminersorlutik Oqartussanit atuutivilersinneqarani. Taamaattumik angallanneq pillugu ileqqoreqqusaq, kommunalbestyrelsip akuersissutiginikuusaa naapertorlugu angallassinnaanermut immikkut akuersissutaagallartumik tunniussisoqarpoq.
8. januar 2015

Angallanneq pillugu ileqqoreqqusamik nutaamik Kommunalbestyrelsi akuersissuteqarnikuuvoq, ileqqoreqqusarli suli Namminersorlutik Oqartussanit atuutivilersinneqarani. Taamaattumik angallanneq pillugu ileqqoreqqusaq, kommunalbestyrelsip akuersissutiginikuusaa naapertorlugu angallassinnaanermut immikkut akuersissutaagallartumik tunniussisoqarpoq.

Immikkut akuersissut una naapertorlugu angallassinnaanermut akuersissummut uppernarsaat:
Inuutissarsiuutigalugu piniarnermut/tammajuitsussarsisitsiniarnermut atatillugu piffissami killilikkami angallassisinnaanermut akuersissutinik inuit atugaqartut, angalanerminni piniarnermut allagartatik tamatigut nassartassavaat. Taanna piniarfissap piffissaani aammalu inuutissarsiuutigalugu piniartutut / tammajuitsussarsisitsiniarnermut atuunnermut immikkoortuni aqqutissatullu toqqakkani angallannermut akuersissutitut uppernarsaatitut atorneqassaaq. Nunap assingini ilanngussani 1-imiit 5-imut immikkoortut takuneqarsinnaapput.

Sumi ingerlasoqarsinnaaneranut nunap assingi 1-imiit 5-imut takussutissiipput.
Annertunerusumik paasisaqarusukkuit, nunap assinginut nassiussuunneqartunut ileqqoreqqusamut siunnersuut ilanngunneqartoq atuaruk.

Ukiut siuliinut sanilliullugu ukiuunerani angallassinnaanermut ammaaffigineqartut makkuupput:

  • Sisimiut eqqaanni angallaffiusinnaasoq, kangerluarsuk tullermut, kangerluarsuk ungallermut aammalu Tasersuup akornanni nunatami annertujaartumik ilaneqarpoq. Taamaaliornikkut Aqqutikitsoq kaajallallugu angalasoqarsinnaanngorpoq.

  • Kangerlussuarmi nunaqarfimmiit avannamut immikoortumi qanorsuaq angalasinnaaneq, umiarsualiviup tungaanut aqqusinikkut taavalu kangerluk sinerlugu avannamut kilometerialunnguit.

  • Sisimiut eqqaanni angallaviusinnaasutut pilersitani pingasuuni ukioq kaajallallugu angalasoqarsinnaanngorpoq, ukunani: Erngup nukinga atorlugu nukissiorfimmiit aqqusinikkut sioraasukkut Tasersuup kangiatungaanut, Itivneq-miit aqqusinikkut sioraasukkut sapusiap avannaanut, Itillip kangerluaniit qaqqatoqqamut aqqusnikkut sioraasukkut.
     

Nunap assingini ilanngussani 1-imiit 5-imut sumiiffiit akuerisaasut, piffissat angallassissutillu suussusissaat takuneqarsinnaapput.

- Nunap assingini ilanngussaq 1
- Nunap assingini ilanngussaq 2
- Nunap assingini ilanngussaq 3
- Nunap assingini ilanngussaq 4
- Nunap assingini ilanngussaq 5
- Qamutit motoorillit Qeqqata Kommuniani nunaannarmi angallassissutiginissaat pillugu ileqqoreqqusaq